PIV 2026 · Artikolo 5556
ĝemelo
Derivaĵoj en la artikolo 7
ĝemelo
1 BIOL ĉiu el du idoj naskitaj per la sama akuŝo: viaj du mamoj estas kiel du cervidoj, ĝemeloj de gazelino MT kiam venis la tempo, ke ŝi nasku, tiam montriĝis, ke ĝemeloj estas en ŝia ventro MT unuovolaj ĝemeloj duovolaj ĝemeloj Sin. dunaskito. ➞ vitelo.
2 ĉiu elemento el natura duopo (kernoj, muskoloj, nervoj, kristaloj ktp).
Ĝemeloj ASTR
1 nordhemisfera konstelacio, kies du ĉefaj steloj havas la nomon de du mitologiaj ĝemeloj, Kastoro 2 kaj Polukso. Gemini
2 la tria signo de la zodiako, tra kiu la suno pasas de la 22a de Majo ĝis la 21a de Junio.
ĝemeligi urboj k.s. interrilatigi per interŝanĝo de informoj, kulturaĵoj, studentoj k.a.: ĝemeligi klubojn HBa ĝemeligi universitatojn RE!
ĝemeliĝi urboj k.s. interrilatiĝi per interŝanĝo de informoj, kulturaĵoj, studentoj k.a.: li revas, ke lia urbo povus ĝemeliĝi kun iu samgranda japana urbo LSt
siama ĝemelo ĝemelo de paro de ĝemeloj devenantaj de unu sola ovolo kaj ligitaj per iu ajn korpoparto.