PIV 2026 · Artikolo 6426
★ilumini
Derivaĵoj en la artikolo 5
★ ilumini tr
1 ornami lokon per lumiloj ordinare simetrie dismetitaj, okaze de festo, de soleno ktp: ilumini avenuon ilumini parkon vespere la tuta urbo estis iluminita Z
2 BELA ornami artaĵon per oraj, arĝentaj kaj brilkoloraj farboj: iluminita manuskripto
3 RELI doni al iu eksterordinaran spiritan aŭ intelektan lumon, klarvidecon, intuicion k.s.: tiu naturleĝo Solonon iluminis la iluminitoj nomo de diversaj sektoj de viziuloj
iluminado ago de iluminanto: iluminado de stratoj iluminado de la inicialoj de preĝvolumo donu al ni iluminadon!
iluminaĵo io, per kio oni iluminas: aranĝi iluminaĵojn en la aleoj ➞ artfajraĵo, lampiono, lanterno.
iluminiĝi
2 BUDH atingi klaran komprenon pri la origino de sufero kaj pri la vojo al budheco.
iluminismo mistika doktrino, laŭ kiu la adeptoj ricevas de Dio specialan iluminadon.