PIV 2026 · Artikolo 6582

★inklina

Litero I★ Fundamenta

Derivaĵoj en la artikolo 8
  1. inklini
  2. inklino
  3. inklinig/i
  4. inkliniĝ/i
  5. kor1inklino
  6. kor1inkliniĝ/i
  7. malinklina
  8. malinklino
★ inklina altirata al io, daŭre aŭ nedaŭre, de natura impulso de la animo: inklina al petolado inklina al diskreteco inklina al kontraŭdiro inklina al matematiko inklina al ĉiaj malvirtoj mi estas inklina ne fari tion Z inklina por plenumado de bonaj faroj Z ➞ ema.
inklini ntr esti inklina al io; havi aŭ senti inklinon al io: mi inklinas akcepti oni tro inklinas forgesi mi inklinas al la opinio, ke
inklino natura celado, daŭra aŭ nedaŭra, de la animo al io aŭ iu: infana inklino restas ĝis la fino Z deziro kaj inklino ordonon ne obeas Z eĉ ĉe kokino troviĝas propra inklino Z mi sentas en mia koro inklinon por vi Z edziĝo pro inklino mi certe havas la inklinon freneziĝi! Z homoj, kiuj havas la inklinon entuziasmiĝi Z ➞ emo, instinkto, tendenco, volonte.
inklinigi fari iun aŭ ion inklina: vian koron vi inklinigos al komprenado MT ĉiu viro kaj virino , kiujn inklinigis ilia koro alporti por ĉia laboro MT estis ne eble inklinigi lin preni en somero banon ĉe la marbordo Z ĉio inklinigis la penson al komparado kaj divenado Z la artikolo anstataŭ inklinigi ilin al nia afero ankoraŭ pli ilin malproksimigas de ni Z ➞ favorigi, gajni, tiri 1.
inkliniĝi iĝi inklina: ŝi inkliniĝis al mallaboremo
kor1inklino ama inklino aŭ bonvolo: sekvi nur la impulsojn de siaj korinklinoj Z
kor1inkliniĝi senti korinklinon: ili baldaŭ korinkliniĝis unu al la alia Z
malinklina sentanta naturan impulson de la animo, forpuŝantan de io: li estas malinklina al aŭ: kontraŭ ĉiaj oficialaj ceremonioj malinklina por plenumado de kompatemaj faroj Z mi ne estas malinklina ekscii ion de la misteroj de supera mondo B ➞ abomeni, antipatia, malema.
malinklino sento de iu malinklina: senti malinklinon al io senti malinklinon al iu havi malinklinon al io havi malinklinon al iu ➞ malemo.