PIV 2026 · Artikolo 6668

★intesto

Litero I★ Fundamenta

Derivaĵoj en la artikolo 4
  1. intesta
  2. intestar/o
  3. dik/a intesto
  4. mal/dik/a intesto
★ intesto ANAT parto de la nutrokanalo de post la stomako ĝis la anuso. ➞ disenterio, enterito.
intesta rilata al intesto: intestaj vermoj intesta inflamo
intestaro tuto de la intestaj ansoj.
dika intesto intesto (1,5 m longa ĉe homoj) konsistanta el cekumo, kojlo kaj rektumo, kie la digestaj ruboj fermentas, antaŭ ol esti ekskrementataj.
maldika intesto intesto (7 m longa ĉe homoj, 40 m ĉe bovoj) konsistanta el duodeno, jejuno kaj ileo, en kiu la nutraĵoj estas submetataj al la efiko de la pankreata suko kaj galo kaj ankaŭ de la intesta suko, antaŭ ol esti sorbataj de la intestaj viloj.