PIV 2026 · Artikolo 702

★amuzi

Litero A★ Fundamenta

Derivaĵoj en la artikolo 9
  1. amuzi si/n
  2. amuza
  3. amuzo
  4. amuzaĵ/o
  5. amuziĝ/i
  6. amuziĝ/o
  7. amuziĝ/ad/o
  8. amuzil/o
  9. amuzist/o
★ amuzi tr agrable kaj gajige distri iun: ĝi estas teatraĵo, kiu devas nin amuzi Z mi sciis nur danci, amuzi gastojn Z min amuzas la kolerego de virino Z okazis, ke amuzante infanojn, mi faris dometojn el kartoj Z ➞ ludi, plezurigi, malenuigi.
amuzi sin tiri agrablan distron el iu aŭ io: la infano sin amuzis per la stanaj soldatoj oni volis sin amuzi pri li priridi lin Z Sin. amuziĝi.
amuza tia, ke ĝi amuzas: ho, tiuj historioj de nia vivo! Kiel amuzaj ili estas! Z amuza spektaklo ➞ distra, komika, ridiga.
amuzo
1 ago amuzi: la vortoj provokis la ridon kaj amuzon de la dukino FDi tiu ĉi romano neniel celas amuzon aŭ distron MaZ amuzi la ĉeestantaron dum grupkunveno. Kompreneble, la amuzo povas esti plurnivela TCa
2 amuzaĵo: ĵus revenis Tutmozis — majstro en ĉiuj amuzoj B komenciĝis serio da festenoj kaj amuzoj B ĉu ne ekzistas ĉe vi iaj amuzoj, societoj, kie oni povus ekzemple iom ludi kartojn? Z ili faris al si amuzon kun ŝi perforte ŝin amoris dum la tuta nokto MT liveri amuzojn al iu Z
amuzaĵo io, kio amuzas: festeno sekvis festenon, amuzaĵo amuzaĵon B revuo plenplena je enigmoj kaj amuzaĵoj OE ili ne komprenas veran literaturan valoron, sed nur deziras leĝeran amuzaĵon, kiu legeblas dum la televidaj reklamoj SJo Sin. amuzo 2.
amuziĝi amuzi sin: post la tago plena de laboro oni povis bone ripozi, amuziĝi kaj precipe amikiĝi Ko li vidis, ke Isaak amuziĝas kun sia edzino ŝin karesas MT oni envokis la vagvendiston sed nur por ke ili povu amuziĝi pri li priridi lin Z
amuziĝo, amuziĝado stato de iu, kiu estas amuzata: infanoj bezonas amuziĝon virino, kiun vi bonvolis elekti kiel objekton de via amuziĝo Z kiam la amuziĝado estis en plena vigleco, venis Z
amuzilo io, kio servas por amuzi: la virino servu kiel amuzilo al la viro Z (figurasence) diletanteco estas amuzilo de la vivo Z
amuzisto en kortego, cirko, teatro k.s. profesia gajigisto: amuzisto de la reĝo Z mi ja estas amuzisto, mi simple ne antaŭvidis, ke mia spektantaro troviĝos en Esperantujo Ko ➞ arlekeno, burleskulo, histriono, klaŭno, pajaco, pulĉinelo.