PIV 2026 · Artikolo 703

★an

Litero A★ Fundamenta

Derivaĵoj en la artikolo 5
  1. ano
  2. anar/a
  3. anar/o
  4. anig/i
  5. aniĝ/i
★ an sufikso
1 membro de grupo. ➞ komitatano, civitano, familiano, samklasano.
2 loĝanto de loko. ➞ amerikano, parizano, urbano, vilaĝano, insulano.
3 adepto de sistemo; disĉiplo de majstro. ➞ respublikano, islamano, samideano; kristano, luterano.
1 En ĉi tiu senco an indikas simple faktan apartenecon, dum ist emfazas, se necese, aktivan partoprenon en la koncerna ismo (komparu respublikisto, islamisto).
ano
1 membro de grupo: vi donas al la tuta mondo la eblon korespondi libere kun ĉiu ano de tiu popolo Z de post 1992 mi estas ano de la Akademio de Esperanto YaS
2 iu, kiu apartenas al loko (kiel civitano aŭ daŭra loĝanto, aŭ laŭ deveno): anoj de la insulo Flores venis ĉiujare kapti ekzemplerojn sur Komodo por sia granda festo WDS la anoj de mezeŭropaj landoj nun devas batali por certigi la egalrajtecon de niaj lingvoj OE
3 adepto de sistemo; disĉiplo de majstro: la kulto de Iŝtar jam havas inter ni multe pli da sekretaj anoj, ol vi eble supozas HLu ano de Kristo ano de Budho
anara rilata al anaro: ĝi al la pioniroj de la ideo konstruos monumentojn kun tia sama anara grega sento, kun kiu ĝi hodiaŭ superĵetas ilin per koto Z
anaro neorganizita grupo: la publiko, kiu ĉiam iras kiel anaro da ŝafoj post la kriemuloj Z la homaro ne restos eterne senhelpa anaro da ekzistaĵoj, ne komprenantaj unu alian Z plej grava parto de la tuta esperantista anaro Z
anigi igi iun ano de grupo: fervore klopodis anigi Arnen al la bontemplanoj SEn Sin. adeptigi 1. ➞ matrikuli.
aniĝi fariĝi ano de grupo: li ĵus aniĝis al nia klubo ➞ aliĝi.