PIV Reta Vortaro

PIV 2020 · 7846

klas/o

1 Dividaĵo de popolo laŭ iuj civilaj aŭ politikaj kondiĉoj: la tri klasoj de l’ patricioj, kavaliroj k plebanoj en la antikva Romo. ordo 6.

2 Aro de personoj, havantaj samajn proprietajn rilatojn k ekonomiajn interesojn, eventuale k konsekvence ankaŭ morojn, kutimojn : la reganta, la meza, la laborista klaso. klasbatalo, klaskonscio.

3 Aro de ĉiuj lernantoj, kiuj sekvas la saman kurson: la unua, dua, tria klaso (kalkulitaj, laŭ la landoj, de supre aŭ de malsupre); lernejkamaradoj el pli alta klaso ; (analoge) fari siajn klasikajn klasojn . klasoĉambro.

4 Sistematika unuo (classis), ampleksanta parencajn ordojn, supera al ordo k malsupera al filumo.

5 Aro de personoj aŭ objektoj, kunigitaj laŭ la valoro: konsilisto , artisto de la unua (plejsupera) klaso; tio estas romano el la dua (malpli valora) klaso.

6 Klasĉambro: eble li (revizoro) ne enrigardos en la klasojn! .

7 Kolekto de elementoj, havantaj iun komunan karakterizaĵon. aro, familio.

klasa. Rilata al klaso: klasa konflikto.

klasi () Aranĝi laŭ ia ordo: klasi librojn en biblioteko; klasi slipojn. klasifiki.

klasado. Ago de tiu, kiu klasas.

klasigilo Morfemo, indikanta la apartenon de vorto al iu semantika klaso ( en Afrikaj lingvoj).

enklasigi. Klasi.

duaklasa. Rilata al malsupera klaso: duaklasa vagono, enterigo. duaranga.

samklasano. Kamarado el la sama klaso 2 aŭ 3.

subklaso

1 Subdivido: li dividis (la ideojn) en tri ĉefajn apartaĵojn k poste en klasojn k subklasojn .

2 Sistematika unuo (subclassis), ampleksanta tre proksime parencajn ordojn de la sama klaso.

unuaklasa. Rilata al la supera klaso: unuaklasa vagono, hotelo, restoracio. unuaranga.

altklasa. Apartenanta al la supera klaso de la socio: esti en servado al altklasaj homoj .

ekvivalentklaso ( ekvivalentrilato) klaso de ĉiuj elementoj ekvivalentaj al fiksa elemento.