PIV 2026 · Artikolo 7029

★ĵus

Litero Ĵ★ Fundamenta

★ ĵus
1 antaŭ tre mallonga tempo; antaŭ nur momento: ĵus batis la sesa horo Z ĵus finiĝis dudek kvin jaroj de la tempo, kiam aperis publike la lingvo Z mi ĵus parolis kun la mastrino Z ĝuste pri tio mi ja ĵus parolis Z ŝi meditas pri la ĵus aŭditaj vortoj Z teorie la ĵus diritaj formoj povas havi multenombron Z ➞ tuj 1; ĵusnaskito.
2 kun antaŭ senpere (antaŭ ol io okazas): en la plej glora temp’ de l’ granda Romo,
Ĵus antaŭ la pereo de Cezaro Z
kampulo siajn filojn voki sendis
ĵus antaŭ sia mort’, kaj testamentis KKa
li esperantistiĝis ĵus antaŭ la 95-a UK en Havano (2010) RE! li mortis ĵus antaŭ ol la libro aperis MVO Sin. tuj ① 3, ĝuste 3.
ĵusa okazinta antaŭ tre mallonga tempo: lia ĵusa forveturo min malhelpis konsulti lin la ĵusa katastrofo RCo la tero ankoraŭ estis mola pro ĵusa pluvo CPi libro denove havebla pro ĵusa represo MBo la ĵusa ekzemplo montras OE