PIV 2026 · Artikolo 8155

★kompari

Litero K★ Fundamenta

Derivaĵoj en la artikolo 9
  1. kompara
  2. kompare
  3. komparo
  4. komparad/o
  5. komparil/o
  6. nekomparebl/a
  7. nekomparebl/e
  8. senkompara
  9. senkompare
★ kompari tr
1 interrilatigi du aŭ plurajn aferojn aŭ personojn por determini iliajn similaĵojn aŭ diferencojn kaj eventuale starigi ilian relativan valoron: se oni komparas la nunajn Esperantajn verkojn kun tiuj de la unuaj jaroj, oni trovas diferencojn en la vortaro, sed plenan similecon en stilo mi eĉ ne komparis ĝin tradukon kun la originalo Z ni bezonas nur kompari la lingvojn rusan kaj polan Z ŝi ne povis tuj kompari la estontan laborenspezon kun la estontaj bezonoj Z venu, ni komparu niajn fortojn en batalo MT ĉu vi aŭdacas vin kompari kun mi? saĝo estas pli kara, ol juveloj;
Kaj nenio povas esti komparata kun ĝi MT
li prezentis sin, por ke la ridantaj Atenanoj povu kompari, ĉu li kaj lia karikaturo sur la scenejo estas similaj unu al la alia Z komparu la sorton de la lernanto de la angla, la franca, aŭ la ĉina! JWe
1 La vorto komparu kaj la mallongigo kp. estas uzataj por referenci al io simila aŭ rilata en alia loko: pri ceteraj fungoj komparu p. 67 G
2 rilatigi ion (pri kio oni parolas) kun io analoga por fari la ideon pli impresanta, pli drasta aŭ pli poezia: oni ofte komparis la junecon kun printempo Homero komparas la homojn kun la falantaj folioj de arbaro oni povas kompari vivon al fonto LiZ li rigardis la junan virinon kaj komparis ŝin enpense al la edzino FSz esperanta poeto tute malnaiva kaj matura, kies poemojn oni povus kompari kun tiuj de iu similtema respektata poeto nacilingva MBo
kompara prezentanta aŭ enhavanta komparon: kompara esprimo kaj kia estis la kompara juĝo? Z fari maljustaĵon ĉe la kompara taksado de la meritoj Z kompara gramatiko de la greka kaj latina lingvoj
kompare en komparo:vi ĉiuj kompare kun mi estas ja nur mizeraj kanajloj! Z nur kompare tre malgranda parto Z ➞ relative.
komparo
1 ago de iu, kiu komparas: komparo ne estas pruvo Z en komparo kun sia filino ŝi estis milda Z tiu ĉi malgranda cifero de hodiaŭ estis granda en komparo kun la cifero de hieraŭ Z ĉi tiu sento estis nenio en komparo kun la dezirego Z
2 frazparto, en kiu oni komparas: la longvostaj komparoj de Homero
komparado
2 LING sistemo, per kiu lingvo esprimas la diversajn gradojn de komparado 1. Sin. komparacio. ➞ komparativo, superlativo.
komparilo FIZI ELEK TEKN aparato por kompari du mezurojn, ekz. longojn aŭ kurentojn.
nekomparebla senkompara: nekomparebla ludado de violonisto Z
nekompareble senkompare: estis belege, nekompareble belege! Z
senkompara sola en sia speco, malofteco aŭ perfekteco: se oni povus tion ĉi efektivigi? Faro senkompara! Z Sin. nekomparebla.
senkompare
1 ĝis grado, ĉe kiu ne plu eblas ia komparo: senkompare majesta spektaklo
2 ĉe komparativo aŭ superlativo tre multe: senkompare pli grandan danĝeron prezentus la ŝanĝado FA senkompare la plej rimarkindaj loĝejoj Z ➞ esenca, kerna, originala, fenikso 2.
Sin. nekompareble.