PIV 2026 · Artikolo 8253

★konfirmi

Litero K★ Fundamenta

Derivaĵoj en la artikolo 3
  1. konfirmo
  2. konfirmiĝ/i
  3. malkonfirmi
★ konfirmi tr
1 plicertigi la verecon aŭ sendubecon de io: konfirmi la novaĵon la okazo konfirmis la supozon de la juna esploristo tio konfirmas miajn timojn tio konfirmas esperojn la observisto konfirmis la plenan utiligeblecon de Esperanto lia demisio ne estis konfirmita vi konfirmu al li vian amon NT Sin. jesigi 2, verigi 2. ➞ aserti, aŭtentikigi, jesi, firmigi, fortikigi.
2 sankcii aŭ ratifiki ion: konfirmitan interligon, eĉ nur homan, neniu nuligas NT tial konfirmu, ho reĝo, ĉi tiun decidon MT konfirmi testamenton
3 konfirmacii: Karen estis nun en tia aĝo, ke ŝi devis esti konfirmata Z
konfirmo
1 ago konfirmi: konfirmo de iu al iu pri io en tiu ridado li trovis konfirmon de siaj timoj Z
2 konfirmacio.
konfirmiĝi iĝi konfirmita: nun konfirmiĝis do lia opinio, ke ŝi ne estas tia, kia Z
malkonfirmi deklari aŭ montri la malverecon aŭ neĝustecon de io: la registaro malkonfirmis la novaĵon pri ribelo tiu malkovro malkonfirmas viajn konkludojn ➞ dementi, kontesti, rebati, refuti.