PIV 2026 · Artikolo 8301

★konkuri

Litero K★ Fundamenta

Derivaĵoj en la artikolo 10
  1. konkura
  2. konkure
  3. konkuro
  4. konkurad/o
  5. konkurad/i
  6. konkurant/o
  7. konkurem/o
  8. nekonkurebl/a
  9. prezkonkuri
  10. prezkonkurad/o
★ konkuri ntr peni superi alian, kiu havas la saman difinitan celon: konkuri kun iu pri vakanta ofico konkuri kontraŭ iu por akiri la favoron de la princo konkurantaj interesoj Z (figurasence) nenio povis konkuri kun la fleksiĝemeco de iliaj movoj Z
konkura
1 tia, ke pri ĝi oni konkuras: nur viva konkura laboro povas doni vivipovan lingvon internacian
2 konkurenca: per konkura marĉando la prezo falis Z
konkure kvazaŭ konkurantoj; vete 2: ni, buboj, konkure penadis transsalti ĝin Z ĉiuj konkure rapidas al la pordo Z
konkuro, konkurado
1 ago konkuri: konkuro pri profito konkuro al feliĉo konkuro en armiĝado mi ne malaprobas la konkuradon de la Jarlibro kun mia Adresaro Z komitatanoj neniam komencus konkuradon kontraŭ la esperantistaro Z ĉia laboro kaj ĉia lerteco en la faroj estas nur konkurado ĵaluzo de unu kontraŭ alia MT (figurasence) li per sia eksteraĵo povos ankoraŭ elteni la konkuron kun sinjoro Alfred Z
2 konkurenco: tiu ĉi supermezura konkurado alkondukas la prezon de la laboro al terure malalta cifero Z ĉu ĝin la intergentan malamon kreas la konkurado ekonomia? Z
konkuradi daŭre konkuri: ĉiuj rozoj konkuradis inter si per sia bonodoro, formo kaj koloroj Z tia internacia lingvo konkurados antaŭ ĉio kun la lingvo angla Z (figurasence) la muziko pene konkuradis kun la dancado Z
konkuranto persono, kiu konkuras kun alia(j): ĉiu publike aprobita de mi verko estos ja konkuranto al miaj propraj verkoj Z konkurantoj en la konkurso vi estas mia konkuranto apud ŝi iu, en kies amo ŝi havis nenian konkurantinon Z ŝia konkurantino t.e. la kromedzino tre incitis ŝin MT
konkuremo emo konkuri kaj superi la alia(j)n.
nekonkurebla tia, ke kun tiu oni ne povas konkuri: nekonkurebla eleganteco
prezkonkuri partopreni en prezkonkurado.
prezkonkurado KOME proceduro, per kiu entreprenistoj konkuras pri difinita laboro, servo aŭ liverado laŭ la principo, ke la ricevonto estas tiu, kiu proponas la plej malaltajn prezojn: meti en prezkonkuradon la konstruon de dombloko ➞ adjudiki.