PIV 2026 · Artikolo 8614

kredito

Litero K

Derivaĵoj en la artikolo 8
  1. kredite
  2. krediti
  3. kreditig/i
  4. dokument/a kredito
  5. malkreditig/i
  6. miskredito
  7. miskreditig/i
  8. senkreditig/i
kredito
1 konfido, kiun ĝuas prunteprenanto aŭ nekontanta aĉetanto pro sia akurateco en pagado de ŝuldoj: havi ĉe iu krediton kaj meriton Z jam longe antaŭ la bankroto, N. tute perdis la krediton konsenti krediton al iu rifuzi krediton al ĉiuj B aĉeti je kredito vendi je kredito
2 EKON sumo, ĝis kiu iu povas pruntepreni de banko aŭ aĉeti de komercisto, ne pagante kontante: havi krediton de cent mil dolaroj en la regna kaso ➞ kreditletero.
3 KOME sur la kontolibroj de firmao aŭ banko parto de la konto, kie oni registras la sumojn ŝuldatajn al kliento: malfermi krediton al iu la sumon mi enskribis en vian krediton Z enskribi varon en ies krediton ➞ debeto, pasivo.
kredite ne postulante aŭ ne farante kontantan pagon: en la fruktaj butikoj oni nenion donas kredite Z hodiaŭ pagi vi devas, morgaŭ kredite ricevos vana promeso Z li akceptas pagon kontante kontraŭ unu rublo kaj kvindek kopekoj bankbilete; aŭ kredite kontraŭ kvar rubloj OE ➞ kred·it·e.
krediti tr
1 enskribi ŝuldon en ies konton: oni kreditas la klienton per ĉio, kion li pagas, kaj oni debetas lin per ĉio, kion li ricevas ➞ debeti.
2 pruntedoni al iu (aŭ rajtigi iun pruntepreni sub la nomo de la rajtiganto) difinitan sumon de iu banko: krediti iun per 10 000 frankoj Merkuro devas krediti al vi la du bovidinojn LiZ SAT 2 povis krediti al si imponan pruvon pri la solidariĝemo de sia restinta membraro ULi vilaĝano kreditas, vilaĝestro pruntas Z
kreditigi
1 havigi al iu krediton ĉe iu: kreditigi iun ĉe banko kreditigi iun ĉe komercisto
2 havigi al iu aŭ io fidindecon aŭ kredindecon: kreditigi novan vorton kreditigi ideon kreditigi senditon ➞ akrediti.
dokumenta kredito KOME akreditivo.
malkreditigi senkreditigi: li per tio ĉi malkreditigas Esperanton Z
miskredito KOME malfavora kredito 1.
miskreditigi
1 havigi al iu miskrediton.
senkreditigi senigi iun je fidindeco aŭ kredindeco: vi penas senkreditigi nin en la okuloj de la mondo Z senkreditigi nian aferon Z senkreditigi institucion Z senkreditigi ĵurnaliston Sin. diskrediti, malkreditigi, miskreditigi. ➞ malrekomendi, senvalorigi.