PIV 2026 · Artikolo 9059

laktario

Litero L

laktario BOTA ombrelfungo kun lamenohava bazidiujo sen ringo kaj sen stipingo, enhavanta blankan, flavan, oranĝan aŭ ruĝan laktosukon; el la mezvarmaj regionoj; pluraj estas nemanĝeblaj aŭ iom venenaj, aliaj estas manĝeblaj. genro Lactarius Sin. laktofungo. ➞ rusulaco.
karotsuka laktario laktario, kun oranĝa kapo konveksa ĝis florvaza formo, foje kun pli malhelaj oranĝaj cirkloj; la kapo ofte estas glueca kiam malseka, sed ofte estas seka; kun multaj dekuraj lamenoj kaj dika oranĝa stipo. specio Lactarius deliciosus
sangosuka laktario laktario, kun ruĝa fruktokorpo kun konveksa kapo; la kapo estas ruĝeta ĝis ruĝa, glata kaj glueca, kaj la marĝenoj kurbas malsupren; la lamenoj estas dekuraj al la stipo; manĝebla. specio Lactarius sanguifluus