PIV 2026 · Artikolo 9058
★lakto
Derivaĵoj en la artikolo 15
★ lakto
1 blanka dolĉa likvo produktata de specialaj glandoj de inaj mamuloj por nutri la idojn: kaprina lakto ĉevalina lakto bovina lakto virina lakto senkrema lakto densigita lakto pulvorigita lakto li ekscitiĝas kiel bolanta lakto Z li havas ankoraŭ la lakton sur la lipoj estas juna kaj sensperta Z nenia peno nek provo donos lakton de bovo Z ➞ butero, jogurto, kumiso, selakto, laktodukto, laktalbumino, laktato.
2 (figurasence) lakto 1 kiel simbolo de dolĉa vivo: lando, en kiu fluas lakto kaj mielo MT vi nutros vin per la lakto de la popoloj MT ho mia fianĉino; Mielo kaj lakto kuŝas sub via lango MT
lakta
1 konsistanta el lakto: laktaj manĝaĵoj Z lakta dieto (analoge) lakta faruno
2 rilata al lakto: KOMU laktaj fermentoj preparaĵoj entenantaj laktobacilon
laktaĵo ĉia manĝaĵo farita el lakto (supo, fromaĝo k.a.)
lakteca havanta la aspekton aŭ koloron de lakto: lakteca lumo de la ektagiĝo
laktejo loko, kie oni konservas, prilaboras aŭ vendas lakton.
koopera laktejo kooperativa laktejo.
kooperativa laktejo asocio, en kiu oni vendas lakton kaj produktas buteron, fromaĝon k.c. el lakto liverita de la membroj. Sin. koopera laktejo.
laktisto liveristo de lakto.
laktumo blanketa viskeca likva substanco, la semo de virseksaj fiŝoj.
kalkolakto velka kalko kun akvo, uzata i.a. por ŝmiri murojn.
ladlakto konservita lakto en lada skatolo.
mamlakto patrina lakto.
sojolaktolikvo ricevita post pistado kaj kuirado de sojfaboj en akvo.