PIV 2026 · Artikolo 10879

★neĝo

Litero N★ Fundamenta

Derivaĵoj en la artikolo 8
  1. neĝa
  2. neĝi
  3. neĝer/o
  4. neĝist/o
  5. neĝul/o
  6. Neĝul/in/o
  7. ov1oneĝo
  8. pluvneĝo
★ neĝo
1 kristaliĝinta akva vaporo, kiu defalas de la atmosfero sub formo de blankaj malpezaj floketoj: la neĝo falis ĉiam pli dense Z dika tavolo da neĝo lavu min, kaj mi estos pli blanka ol neĝo MT li zorgas pri ĝi kiel pri neĝo pasintjara Z (proprasence kaj figurasence) neĝo kaŝas nur ĝis printempo Z ➞ neĝduno, neĝplugilo.
2 (familiare) kokaino. ➞ neĝisto, neĝulo.
neĝa rilata al neĝo: neĝaj montosuproj neĝa blovado neĝoŝtormo Z (figurasence) neĝa ovoŝaŭmo la Neĝa Reĝino Z
neĝi ntr, ordinare sen subjekto fali el nuboj en la formo de neĝo: (proprasence kaj figurasence) se neĝas sur la monto, estas malvarme en la valo Z
neĝero sesangula floketo el neĝo: saltadi ĉirkaŭ afero, kiel blovata neĝero Z Sin. neĝfloko.
neĝisto detala ŝakristo de kokaino.
neĝulo
1 homa figuro el kunpremita neĝo: la degelado fariĝis pli granda, la neĝulo fariĝis pli maldika Z
2 kokain-dependulo.
Neĝulino heroino de fabelo, en kiu bela junulino, kun haŭto blanka kiel neĝo, estas persekutata de ĵaluza reĝino, kaj serĉas rifuĝon ĉe nanoj: plej bela vi estas ĉe ni, ho reĝino,
Sed milfoje pli bela estas Neĝulino B
Sin. Neĝblankulino.
ov1oneĝo KUIR ŝaŭmigita ovoblanko kun sukero. ➞ sufleo, meringo.
pluvneĝo pluvo kaj neĝo kune falantaj. ➞ neĝborulo, neĝbulo, edelvejso.