PIV 2020 · 10949
neŭr/o
neŭr/o ⚥ Nervo, nerva histo (en kunmetaĵoj).
neŭrito ⚕ Kn de inflamaj aŭ degeneraj lezoj de la nervoj.
neŭrologo. Specialisto pri neŭrologio.
neŭromo. Tumoro el la nerva histo.
neŭrono ⚥ Nerva ĉelo, ekscitebla k kapabla konduki nervajn mesaĝojn (☞ impulso), konsistanta el ĉela korpo kun sia nukleo, el speco de branĉetaro (☞ dendrito 2) k el ordinare longa filamento (aksono). Sin. nervoĉelo.
neŭrozo Ψ Malorda stato kun sentaj k emociaj perturboj (angoro, obsedo, fobio ks), pri kies nenormaleco la koncernato konscias, k kiu ne malhelpas lin/ŝin funkcii en la realo: histeria, obseda, angora neŭrozo. ☞ psikozo, fobio.
neŭralgio Z. Doloro laŭlonge de nerva irejo.
neŭrastenio. Neŭrozo, trafanta precipe la trolaborantojn, k manifestiĝanta per ĝenerala laceco, tendenco al tristaj ideoj, timo k nedecidemo.
neŭrastenia. Rilata al neŭrastenio: neŭrastenia temperamento, krizo.
neŭropatio ⚕ Ψ
1 (kn) Nerva afekcio: neŭropatio diabeta, vaskula, alkohola, nervoprema, vitaminmanka, toksa, hepata, plumba; ĉe vestibla neŭropatio la paciento perdas la ekvilibrosenson.
2 (ark.) Psika perturbo.
neŭrotropa (pp kemia substanco, mikrobo, viruso ktp) Nervoafina.
polineŭrito. Malsano, karakterizata de samtempa inflamo de multaj nervoj.
psikoneŭrozo Ψ Psika malorda stato, meza inter neŭrozo k psikozo, en kiu la konscio pri nenormaleco estas nek konstanta nek klara, k kun severaj simptomoj pli-malpli psikozecaj.
trofineŭrozo. Kn de afekcioj, karakterizataj de nutradaj perturboj sen difinita lezo de la nerva sistemo.