PIV 2026 · Artikolo 11635

★palpebro

Litero P★ Fundamenta

Derivaĵoj en la artikolo 5
  1. palpebrum/a
  2. palpebrum/i
  3. palpebrum/o
  4. palpebrum/ig/i
  5. elpalpebrum/i
★ palpebro
1 ANAT ĉiu el la du (aŭ, ĉe reptilioj kaj birdoj, tri) moveblaj membranoj aŭ haŭtfaldoj, kiuj, proksimiĝante, kovras la okulglobojn: miaj palpebroj malleviĝis pro stranga dormemeco Z ĉe la palpebroj de virino vi rekonos ŝian malĉastadon Z viole ŝminkitaj palpebroj ➞ palpebrito.
2 BIBL okulo: viaj palpebroj direktiĝu rekte antaŭen MT
palpebruma rilata al palpebrum(ad)o: en palpebruma daŭro tre rapide palpebruma lumo de lumturo, de aŭtomobilo k.s. ➞ blinki
palpebrumi ntr
1 rapide fermi kaj malfermi la palpebrojn: nek antaŭ la brilanta hakilo nek antaŭ la akra tranĉilo ŝi eĉ palpebrumus, se li tion svingus antaŭ ŝiaj okuloj Z
2 palpebrumi 1 unuokule, por signi al iu ion, kion oni ne povas pli klare esprimi: la terurita servisto palpebrumis al la doktoro, ke li eliru kun li B mi palpebrumis kun ia filino de komercisto Z ➞ okulsigni, okulumi.
palpebrumo ago palpebrumi 2, aŭ ties rezulto: Johano ne vidis la palpebrumon, kiun ŝi ĵetis al li HBu
palpebrumigi instigi aŭ devigi iun palpebrumi 1: li ne palpebrumigos min Z
elpalpebrumi tr eligi ion per palpebrumo: la skarabo elpalpebrumis al si la akvon el la okuloj Z