PIV 2026 · Artikolo 11697

★papago

Litero P★ Fundamenta

Derivaĵoj en la artikolo 15
  1. papaga
  2. papagi
  3. papagum/i
  4. papagej/o
  5. papaget/o
  6. papagul/o
  7. afrik/a papago
  8. griz/a papago
  9. kakatu/a papago
  10. mal/nov/mond/a papago
  11. marpapago
  12. nokt/opapago
  13. nov/mond/a papago
  14. nov/zeland2/a papago
  15. ond/opapaget/o
★ papago
1 ZOOL tropika birdo kun hoka beko kaj kun ĝenerale okulfrape kaj diverse koloraj plumoj; kun rekta starmaniero kaj longaj kurbaj ungegoj; ĝi ĝenerale manĝas semojn, nuksojn, fruktojn, burĝonojn kaj aliajn plantaĵojn; indiĝena ĉefe en tropikaj kaj subtropikaj regionoj en la suda hemisfero. membro de la ordo Psittaciformes (papagoj, papagformaj birdoj) el la klaso Aves iuj papagoj kapablas imiti homan voĉon kaj diversajn kriojn ➞ kakatua papago, malnovmonda papago, novmonda papago, novzelanda papago.
2 (figurasence) homo, kiu senkomprene ripetas diraĵojn de aliaj: oratoro ne devas esti papago
papaga
1 rilata al papago.
2 senkomprene ripetanta: estas du specoj de bandoj : pure Esperantaj kaj papagaj kantantaj sen scipovi la lingvon OE papage ripeti gurditan lecionon
papagi, papagumi tr papage ripeti ion.
papagejo
1 loko, kie loĝas papago(j).
2 loko, kie homoj papagas instruojn: lernejo ne devas esti papagejo
papageto eta papago el Azio, Afriko, Aŭstralio kaj Sud-Ameriko, kun longa vosto; ofte tenata en kaĝo pro belkolora plumaro. ➞ konuro, melopsitako.
papagulo papagforma birdo.
afrika papago tre inteligenta, papago grizkolora; kies dieto konsistas je nuksoj, semoj, fruktoj kaj folioj, kaj malofte helikojn; trovebla en pluvarbaroj de okcidenta kaj centra Afriko. genro Psittacus Sin. psitako. ➞ psitakedo.
griza papago papago el mezokcidenta Afriko, griza kun diversaj aliaj koloroj, ofte tenata en kaĝo. specio Psittacus erithacus
kakatua papago kakatuo.
malnovmonda papago malgranda papago ĝenerale el la malnova mondo. membro de la familio Psittaculidae (malnovmondaj papagoj, psitakuledoj) el la ordo Psittaciformes Sin. psitakuledo. ➞ lorio, rozelo.
marpapago fraterkulo.
noktopapago granda, preskaŭ ne flugipova, nokte aktiva papago; kun verda dorso kun makuloj brunaj, flavaj, nigraj; kun iom striga kapo; rara sed longe vivanta en arbaroj de notofagoj en Nov-Zelando. specio Strigops habroptilus Sin. kakapo.
novmonda papago malgrandaj papago ĝenerale el la nova mondo, sudorienta Azio, Aŭstralio kaj Afriko. membro de la subfamilio Arinae (novmondaj papagoj) el la familio Psittacidae ➞ arao.
novzeland2a papago papago indiĝena en Nov-Zelando. membro de la familio Strigopidae (novzelandaj papagoj) el la ordo Psittaciformes ➞ kakao 2, keo 2.
ondopapageto papageto el sudorienta Azio kaj Aŭstralio; ofte tenata hejme en kaĝo. specio Melopsittacus undulatus Sin. melopsitako.