PIV 2026 · Artikolo 11884

paŭsi

Litero P

paŭsi tr
1 reprodukti desegnon, bildon, skribon ktp sur diafana materialo, precize sekvante ĉiujn liniojn de ĝia konturo aŭ detaloj per pinto, plumo aŭ krajono. Sin. trakopii. ➞ paŭspapero.
2 (figurasence) precize reprodukti aŭ imiti ion: iuj ĵurnalistoj komencis paroli pri «eŭrolando», kaj kelkaj aŭtoroj paŭsis tiun nacilingvan monstraĵon SMa ni plejparte simple paŭsis la sistemojn de la naciaj lingvoj MFe
paŭso
1 ago paŭsi.
2 LING alpreno de nova vorto aŭ sintagmo en iun lingvon pere de traduko el alia lingvo. ➞ interfero, prunto.
paŭsaĵo
1 reproduktaĵo per paŭso.
2 LING vorto aŭ sintagmo tradukita laŭ la konsistigaj partoj de alilingva modelo: la vorto antaŭtuko estas la preciza paŭsaĵo de la jida fartuĥ, kiu entenas far «antaŭ» kaj tuĥ «tuko» ACh Sin. kalkeo, tradukprunto.