PIV 2026 · Artikolo 12006
★perdi
Derivaĵoj en la artikolo 10
★ perdi tr
1 senintence ĉesi posedi havaĵon: perdi sian ŝlosilon perdi monujon perdi siajn harojn dum sia malsano li perdis ses kilogramojn de sia pezo perdi brakon en batalo perdi ambaŭ okulojn pli facile estas vilaĝon perdi, ol domon akiri Z perdi la kapon Z perdi sian propran felon Z (morti) vi perdis belegan filon Z (analoge) perdi la voĉon Z perdi la spiron perdi la apetiton perdi la dorman ripozon perdi la sanon Z perdi la vivon Z
2 senintence ĉesi posedi ian bonon aŭ avantaĝon: perdi la saĝon Z perdi feliĉon Z mi perdis la okupon en la kudrejo Z perdi influon perdi forton perdi la kuraĝon Z perdi la konscion Z vi ne volas perdi la favoron de nia reĝo B perdi ies konfidon Z ŝi perdis sian fidon Z mi perdis la konfidon al aliaj homoj UMa
(figurasence) la bordoj de la rivero perdas sian ridantan mienon Z tiu argumento perdis nun sian valoron la lingvo de tiu tempo perdis absolute nenion el sia valoro Z la entrepreno perdas ĉian sian sencon kaj celon Z
3 ne gajni ion, kion oni povus ekposedi: vi ne multon perdos per via foresto perdi la batalon esti venkita perdi la ludon perdi veton perdi proceson kiu koleras, tiu perdas Z tio nemulta, kio estas gajnata per la natureco de la gramatiko, estas cent kaj mil fojojn perdata per la sennatureco de la vortaro Z prokrastita ne estas perdita Z
4 vane foruzi ion: imiti grandsinjoron — perdi baldaŭ la oron Z kelkaj timas, ke la mono publika estos perdita Z
(figurasence) kiel estas eble tiel karan tempon perdi por ili kartoj? Z mian tagon mi perdis! fama diro de Tito 1 pri tio ĉi ni ne bezonas perdi multe da vortoj Z vane vi perdis viajn vortojn MT vi perdos viajn penojn, provante min konvinki
5 senintence ellasi ion; ne plu teni, vidi aŭ senti iun aŭ ion malaperantan: perdinte teron el sub la piedoj, la azeno falis en riveron KKa perdi en la kunpuŝado sian infanon ni ne perdos ŝin el la vido FDi ni perdas el la okuloj tion, kio pleje gravas OE mi perdis mian hundon dum la ĉaso
(figurasence) li perdis la vojon en la arbaro B pli bone estas reiri, ol perdi la vojon Z
perdo
1 senintenca seniĝo de tio, kion oni havis, posedis aŭ ĝuis: perdo de naztuko B perdo de la vidsento B tuj, sen perdo de la tempo Z akiro kaj perdo rajdas duope Z kiu multe profitas, ankaŭ perdon ne evitas Z kompensi siajn perdojn
2 FIZI tiu parto de meĥanika, elektra k.a. energio, kiu foriĝas ĉe iu procedo senutile, ĉar ĝi estas konsumata kaŭze de la varmiga efiko, de kirlokurentoj, de kontraŭmagnetigo k.a.:dielektrikaj perdoj perdo je la tero ➞ liko.
perdigi igi iun perdi ion: mi ne intencas perdigi al vi vian tempon CPi kvereloj perdigis al la movado kompetentajn esperantistojn TSt makiavelaĵo aranĝita por perdigi mian reputacion CPi antaŭ nur malmultaj jaroj eldiro tia perdigus al redaktoro la postenon FGR
perdiĝi iĝi perdita: perdiĝas per pruntedono amiko kaj mono Z la letero perdiĝis en la poŝto B ili unuope aŭ duope forlasas la universitatan korton kaj perdiĝas en la popolaj amasoj Z pro karta preno perdiĝis bieno Z la ŝafon perdiĝintan Mi elserĉos MT
(figurasence) lia voĉo perdiĝis en la bruego Z li perdiĝas staras senhelpe en malgravaj detaloj mil semoj perdiĝas Z ekzistas estonteco, Kaj via espero ne perdiĝos MT kial lasi tian talenton perdiĝi?
perdiĝo stato de iu aŭ io perdiĝanta: la ĉiam pli rapida perdiĝo de malgrandaj lingvoj OE
(figurasence) la filo de perdiĝo NT iri la vojon de perdiĝo
perdita (figurasence) tia, ke restas nek rimedo, nek helpo: ĉio estas perdita Z bedaŭrante sian senrevene perditan monon FK vi estas perditaj venkitaj B
disperdi perdi ion disigante: kiu komunikiĝas kun malĉastulinoj, tiu disperdas sian havon MT
disperdiĝi perdiĝi disiĝante.
disperdiĝo ago disperdiĝi: la disperdiĝo de la varmo
forperdi plene perdi aŭ forlasi ion en fora loko aŭ por ĉiam: kiu fremdan avidas, propran forperdas Z ĉia savo Jam ŝajnis senespere forperdita Z tian okazon pli bone konatiĝi kun ŝi estus nedece forperdi CPi forperdita vilaĝo CPi
forperdiĝi plene perdiĝi en fora loko aŭ por ĉiam: diru, pro Dio, kien vi forperdiĝis! Z kien forperdiĝis la antaŭa Marta? Z li forlasis Esperanton , kaj liaj nepridubeblaj talentoj tiel forperdiĝis TCa ➞ forvaporiĝi.