PIV 2026 · Artikolo 1202
★artifiko
Derivaĵoj en la artikolo 6
★ artifiko lerta aŭ ruza agmaniero aŭ procedo, per kiu oni celas imponi, iluzii aŭ trompi: ni devas agi rekte kaj malkaŝe. Por tio estas necese, ke ni ne faru iajn novajn artifikojn, kiuj povus lin timigi Z la artifikoj de advokato la artifikoj de amanto Z penu serĉi en via kapo ian novan artifikon, por eltiriĝi el ĉi tiu afero! Z ni avertas ĉiujn niajn kunbatalantojn kontraŭ tiuj artifikoj, per kiuj oni penas delogi ilin de la ĝusta vojo Z kian efikon devis havi tia eksterordinare lerta artifiko! Z ni, sprituloj, ĉiam povasPer anguletoj kaj per artifikoj al rekta celo veni Z ĉian artifikon, ĉian ruzaĵon, ĉian subfosadon ni devas severe eviti Z ➞ intrigo, elturniĝo.
artifika lerte aŭ ruze kombinita por trompi: artifika konsekvenco Z artifika konduto artifika procedo ➞ insida.
artifiki tr
1 fari ion per artifiko; ruze elpensi ion.
2 doni malsimplan afektan formon al penso, frazo k.s.
artifikeco eco de iu aŭ io artifika: la plej granda artifikeco konsistis en tio, ke, tenante la fingron en la vaporo , oni povis flarsenti Z
artifikulo iu artifika: ili estis nur pupoj en la manoj de lertaj artifikuloj Z
senartifika sincera aŭ malkaŝema. ➞ naiva.
senartifikulo homo senartifika: «La Senartifikulo» de Voltero, tradukita de Lanti ➞ senarta.