PIV 2026 · Artikolo 1203
★artiko
Derivaĵoj en la artikolo 23
- artika
- artiki
- artikig/i
- artikiĝ/i
- artikul/o
- atlant/o-aksis/a artiko
- atlant/o-odontoid/a artiko
- disartikig/o
- du/on/mov/ebl/a artiko
- elartikig/i
- elartikiĝ/o
- fals/a artiko
- fingr/oartiko
- kardan1artiko
- manartiko
- mov/ebl/a artiko
- ne/mov/ebl/a artiko
- pasternartiko
- piedartiko
- reartikig/i
- reartikig/ist/o
- sinovi/a artiko
- ver/a artiko
★ artiko
1 ANAT loko de kunligiĝo aŭ de kuniĝo inter du skeletaj elementoj. articulatio li stariĝis, artikon post artiko, kiel oni malfaldas ĉarpentistan mezurilon OE knaras miaj artikoj LPI operacio pri koksa artiko JHa
2 TEKN sistemo, kiu ligas du pecojn (ekz. stangojn aŭ ŝaftojn) per akso, ebliganta rilatan movon ĉirkaŭ tiu akso: forka artiko universala artiko en kiu la rilata movo estas ebla ĉirkaŭ du ortaj aksoj, pere de interringo
artika rilata al artiko(j): kontraŭ artikaj problemoj la herbulino rekomendas teon LSt
artikigi = (prefere) artiki.
artikiĝi fariĝi artikita: humero artikiĝas supre kun skapolo, malsupre kun ulno kaj radiuso
artikulo = (prefere) artropodo.
atlanto-aksisa artiko ANAT ĉefa artiko inter la du unuaj nukaj vertebroj, per kiu la atlanto 2 kuŝas sur la aksiso.
atlanto-odontoida artiko artiko, inter la unua nuka vertebro kaj la dentoforma apofizo 1 de la aksiso.
disartikigo amputo je artiko.
elartikigi MEDI ŝovi oston el ĝia artiko.
elartikiĝo MEDI = (prefere) luksacio.
falsa artiko MEDI nesukcesinta rekuniĝo de la partoj de rompita osto. Sin. pseŭdoartrozo.
fingroartiko ĉiu el la artikoj de fingro.
manartiko artiko inter mano kaj antaŭbrako (radiuso-karpa artiko): la elfknabino prenis lin je manartiko Z Sin. pojno.
movebla artiko sinovia artiko.
nemovebla artiko sinkondrozo.
pasternartiko artiko de ĉevala kruro super la pasterno.
piedartiko artiko inter piedo kaj tibio. Sin. maleolo 2.
reartikigi MEDI ĝuste reloki elartikiĝintan membron.
reartikigisto ne diplomita kuracisto pri reartikigoj.
sinovia artiko artiko kun kapsulo 6 kaj ligamentoj, ebligante ampleksan moviĝon, ekz. la genuo, kokso, kubuto, ŝultro, k.s. articulatio synovialis, junctura synovialis Sin. vera artiko, movebla artiko.
vera artiko sinovia artiko.