PIV 2026 · Artikolo 12817
★proksima
Derivaĵoj en la artikolo 19
★ proksima
1 apartigita per malgranda distanco en la spaco: proksima urbo proksima najbaro proksima aŭto ĉu vi ne povus alporti al mi el ia proksima butiketo lakton kaj bulkojn ? Z nun ĝuste estas foiro en la plej proksima vilaĝo Z ŝi estis jam tute proksima al la preĝejoj Z ➞ apuda, najbara.
2 apartigita per malgranda distanco en la tempo: la tago de la edziĝo estis jam proksima tiuj mizerulinoj estis jam proksimaj al la fino de la tera migrado Z en la plej proksima estonteco baldaŭa Z
3 apartigita per malgranda distanco metafore: fabelo kaj realeco estas tre proksimaj unu al la alia la senco de «domaĝo» estas tre proksima al la senco de «bedaŭro» Z jam proksima estas Lia helpo al tiuj, kiuj Lin timas MT la buŝo de malsaĝulo estas proksima al la pereo MT mia plej proksima parencaro ➞ parenca 2, afina.
proksime en proksima stato aŭ maniero:
1 al ni estos pli bone sidi proksime unu de la alia Z du ŝarĝveturiloj staris proksime de la pordego Z mi kuŝiĝis por ripozi, proksime de la kastelo Z altirante sian fratinon pli proksime al si Z li rigardis la sunon, kiu staris proksime al la horizonto Z rigardi ion de proksime
2 tiel proksime ili estis de ĝi la hejmo kaj de la ĝojo Z ŝi staris senmove, proksime al sveno
proksimo spaco, tempo aŭ eco proksima: nenie en la proksimo mi trovis ian romanan heroon Z evitu ŝian proksimon, por ke ŝi ne trompu vin
proksimeco eco aŭ stato de io aŭ iu proksima: vian proksimecon mi tute ne deziras loĝi en la proksimeco de la urbodomo multe pli rapide iras la procedo ĉe pli granda geografia kaj etnologia proksimeco Z
proksimigi igi iun aŭ ion proksima: proksimigu vian seĝon samlingveco proksimigas la homojn Sin. alproksimigi.
proksimiĝi iĝi proksima: ne proksimiĝu al la pordo de ŝia domo MT malrapide, sed fatale proksimiĝas la tago de la triumfo de Esperanto
proksimulo
1 najbaro: ne deziru la edzinon de via proksimulo MT diru nun al la popolo, ke ili petu ĉiu viro de sia proksimulo kaj ĉiu virino de sia proksimulino vazojn arĝentajn MT
2 ĉiu homo, rilate al alia homo: amu vian proksimulon kiel vin mem MT ĉiu vidu en sia proksimulo nur homon kaj fraton Z pekoj kontraŭ nia proksimulo Z
proksimuma ne tute ĝusta, sed nur proksima al la ĝusta: proksimuma kalkulo de la loĝantoj proksimuma signifo de vorto Z la biblioteko enhavas proksimume ĉirkaŭ mil volumojn
proksimumo speco de vortludo, en kiu la du priludataj vortoj estas nur proksimume similaj unu al la alia: neniu rozo sen dorno, neniu prozo sen dormo! frazo de Ŝvarco
proksimumado MATE kalkulo, kiu donas proksimuman rezulton.
alproksimigi proksimigi: ĉiuj ŝatis Esperanton nur tial, ke ĝi alproksimigas iliajn korojn Z
alproksimiĝi proksimiĝi: la ŝipo estis alproksimiĝanta Z jen alproksimiĝis viaj tagoj, por morti MT kiam la vespero alproksimiĝis Z tiamaniere ili pli alproksimiĝos al la vero Z
interproksimiĝi proksimiĝi reciproke: la popoloj interproksimiĝus kiel unu familio Z
malproksima
1 apartigita per granda distanco en la spaco: paco al malproksimaj kaj al proksimaj MT pli bona estas najbaro proksima, ol frato malproksima MT pri lando malproksima estas bone mensogi Z bona estas Romo, sed tro malproksima de nia domo Z
2 apartigita per granda distanco en la tempo: reĝoj de la malproksima antikveco Z ĝi venos nur en plej malproksima estonteco Z
3 apartigita per granda distanco metafore: malproksima de ni estas la deziro ribeli MT preĝejo proksima, sed Dio malproksima Z
Sin. fora.malproksime en malproksima stato aŭ maniero:
1 tre malproksime ĉiuj ni staras la unuj de la aliaj Z ŝtelu malproksime, edziĝu proksime Z la preĝeja sonorilo vidas malproksime ĉirkaŭ si Z de malproksime ŝi alportas sian panon MT
2 malproksime en la pasinteco tio okazis la fina malapero de la muroj inter la popoloj estas ankoraŭ tre kaj tre malproksime Z
3 projektoj, kiuj de realiĝo staras ankoraŭ malproksime Z min vi ne havas la rajton vergi, tre malproksime estas ĝis tio Z vagi malproksime de la solvo
Sin. for, fore.malproksimen
1 al loko malproksima laŭ la spaco: ju pli malproksimen iras la vojo, des pli da larmoj Z li sendas min tiel malproksimen ! Z
2 al loko malproksima laŭ la tempo: mi rigardis pli malproksimen tra la tempo, al nia infaneco ALö
3 al loko malproksima metafore: mensogo malproksimen ne kondukas Z
Sin. foren.malproksimo spaco, tempo aŭ eco malproksima: la vojo, disfluanta en la nebulo kaj malproksimo Z la ekosocialismo, ideo el malproksimo MD
malproksimaĵo malproksima spaco, loko aŭ objekto: la brilanta malproksimaĵo, kie la tero kaj ĉielo kuniĝas Z vi parolas pri malproksimaĵoj, pri pentraĵoj en kiuj oni provas montri perspektivon DBr ➞ foraĵo.
malproksimeco eco, stato aŭ distanco de iu aŭ io malproksima: tion oni aŭdas en la malproksimeco de mejloj sur la tero Z pri ŝipo oni ĝin povis vidi jam en granda malproksimeco Z ĉu ĝin la intergentan malamon kreas la reciproka malproksimeco ? Z ili troviĝis en malproksimeco de apenaŭ kelke da paŝoj de la ŝtuparo Z mi alveturis ĉi tien de malproksimeco de tridek mejloj Z ➞ foreco.
malproksimiĝi iĝi malproksima: tial malproksimiĝis de ni justeco MT