reĝim³o

1 Σ Sistemo, laŭ kiu estas regata iu regno: parlamenta, diktatora reĝimo.

2 🅢 Sistemo, laŭ kiu estas administrata ia organizo: reformi la ekonomian reĝimon; (f) la seka reĝimo (en Usono, kiam alkoholo estis malpermesita).

3 Ⓣ La kondiĉoj, karakterizantaj la funkciadon de maŝino aŭ aparato, aŭ de cirkvito, aŭ de riverfluo en difinita momento: majuskla reĝimo (de klavaro); interaga, taskvica reĝimo (de komputilo); enŝova, superskriba, linifalda reĝimo (de redaktilo); grafika reĝimo (de presilo).

4 ⛗ La kondiĉoj, laŭ kiuj okazas manipulado k transporto de varoj: vagonkargo laŭ ordinara reĝimo, pecvaroj laŭ akcelita reĝimo.