PIV 2026 · Artikolo 13464

★rigida

Litero R★ Fundamenta

Derivaĵoj en la artikolo 6
  1. rigide
  2. rigidec/o
  3. rigidiĝ/i
  4. alrigidiĝ/i
  5. malrigida
  6. morrigida
★ rigida
1 ne aŭ nur malfacile fleksebla: ŝia fratino Johanino estis kiel lilio, brilanta kaj rigida Z krispo el blanka rigida tolo Z membroj rigidaj de frosto (figurasence) rigida stilo
2 (figurasence) obstine necedema: sed la spirito estis fiera, la nuko estis rigida Z li havis rigidan koncepton de siaj devoj rigida karaktero ➞ rigidmora.
rigide en rigida maniero: rigide lia edzino en vestoj el orŝtofo iradis Z li bele forkuris antaŭe, kiam mi lin rigide rigardis Z
rigideco eco de io rigida: la kadavra rigideco
rigidiĝi iĝi rigida: amelita tolo rapide rigidiĝas (figurasence) tiuj fieraj homoj tute rigidiĝis de teruro Z ŝi tremis per ĉiuj membroj kaj ĉiam pli kaj pli rigidiĝis Z subite lia vizaĝo rigidiĝis en terura tordiĝo Z
alrigidiĝi rigide alfiksiĝi: li frapis la Filiŝtojn, ĝis lia mano laciĝis kaj alrigidiĝis al la glavo MT
malrigida fleksebla. ➞ supla.
morrigida severmora.