PIV 2026 · Artikolo 4598

★fleksi

Litero F★ Fundamenta

Derivaĵoj en la artikolo 22
  1. fleksa
  2. flekso
  3. fleksad/o
  4. fleksant/o
  5. fleksebl/a
  6. fleksiĝ/i
  7. fleksiĝ/o
  8. fleksiĝ/em/a
  9. fleksiĝ/em/ec/o
  10. defleksiĝ/o
  11. elfleksit/a
  12. genuofleksi
  13. malfleksi
  14. nefleksebl/a
  15. retrofleksa
  16. retrofleksi
  17. retroflekso
  18. subfleksi
  19. subfleksaĵ/o
  20. subfleksiĝ/i
  21. subfleksiĝ/o
  22. transfleksej/o
★ fleksi tr
1 kurbigi ion sub premo aŭ kun peno: fleksi branĉon fleksi ŝtallamenon ŝi fleksis flanken la branĉojn Z fleksu arbon dum ĝia juneco proprasence kaj figurasence Z fleksi la kolon fleksi la dorson sub ŝarĝaĵo friponoj fleksis lin tiel, ke lia kapo atingis liajn piedojn Z Francisko ne fleksas sin riverencas antaŭ vi kiel kolombumanta Celadono Z (analoge) la fleksita strio de la vojo Z ➞ kniki 1.
2 falde proksimigi unu al la alia du samartikajn anatomiajn elementojn: fleksi la brakon fleksi la kruron fleksi la fingron (analoge) fleksi siajn genuojn Z (figurasence) genuojn homoj fleksas homoj humiligas sin ja nur tiam,
Se la rampad’ profiton donas Z
➞ ekstensi.
3 (figurasence) humilige cedigi iun aŭ ion: fleksi obstinon fleksi fieron fleksi la venkiton sub peza jugo fleksi la venkiton sub severa leĝo vian ribelemon mi fleksos (figurasence) fleksi la lingvon laŭ sia gusto ➞ obeigi, venki.
fleksa fleksebla: fleksaj vermoj Z fleksaj brakoj kaj fingroj Z
flekso
1 ago fleksi.
2 fleksita parto de io: la rivero havas multe da fleksoj en diversaj lokoj Z li malaperis malantaŭ flekso de la muro Z la grandaj branĉoj mem per siaj kurbaĵoj kaj fleksoj similis al valoj kaj altaĵoj Z ŝia okulo sen malfacileco rimarkas la plej komplikitajn fleksojn de la linioj Z
3 FIZI streĉo, kiu fleksas korpon: rezisto de trabo al flekso ➞ kunpremo, tiro, tondo, tordo.
fleksado agado de fleksanto: fleksado de la unga falango sur la mezan ➞ fleksoloko, fleksorezisto, fleksosago.
fleksanto
1 iu, kiu fleksas ion.
2 ANAT muskolo, kiu servas por fleksi 2. ➞ ekstensanto.
fleksebla tia, ke ĝi povas esti fleksata: ŝtalo estas fleksebla, sed fero ne estas fleksebla FE fleksebla talio de knabino delikataj flekseblaj paŝoj fleksebla duŝtubo CPi
(figurasence) fleksebla karaktero fleksebla politko OE Esperanto estas sintakse tre fleksebla JWe
➞ elasta, fleksiĝema, malrigida, mola 1, supla.
fleksiĝi
1 iĝi fleksita: pli bone fleksiĝi, ol rompiĝi Z arbo, kies branĉoj fleksiĝis sub siaj fruktoj Z la maljunulino fleksiĝis sub la peza branĉofasko sep mil viroj, kies genuoj ne fleksiĝis antaŭ Baal NT ŝi tiam estis maljuna kaj fleksiĝinta Z (figurasence) la neekzercitaj organoj de komprenado kaj de memorado fleksiĝu fleksebliĝu kiel delikataj kordoj Z
2 (figurasence) cedi, submetiĝi aŭ rezigni: fleksiĝi antaŭ la forto fleksiĝi al la destino estas al ni neeble fleksiĝi sub tiaj postuloj ÉBo fleksiĝantajn genuojn vi fortigis MT li ne laciĝos nek fleksiĝos, ĝis li starigos justecon MT Esperanto kreskis regule neniam fleksiĝante dekliniĝante, misformiĝante aŭ kripliĝante Z
fleksiĝo
1 movo, per kiu io fleksiĝas: la fleksiĝo de risorto
2 formo de io fleksita: ĉe la fleksiĝo de la rivero ĉiu arbo montris la belajn formojn kaj fleksiĝojn de siaj branĉoj Z
fleksiĝema facile fleksiĝanta: la birdoj havis longajn fleksiĝemajn kolojn Z fleksiĝema karaktero ➞ fleksebla.
fleksiĝemeco eco de iu aŭ io fleksiĝema: nenia kordo, nenia risorto povis konkuri kun la fleksiĝemeco de iliaj movoj Z
defleksiĝoTEKN eta kurbiĝo de trabo sub troa ŝarĝo.
elfleksita (arĥaismo) deformita per fleksiĝo: fari kanalon rekta kaj ne elfleksita kiel ĉiuj riveroj naturaj Z
genuofleksi fleksi sian korpon ĉe la genuoj, ekzemple kiel signo de respekto: antaŭ Li genufleksos ĉiuj forirantaj al la tombo MT
malfleksi ANAT ekstensi.
nefleksebla tia, ke oni ne povas ĝin fleksi: fleksu vin, genuoj neflekseblaj! Z paroli kun nefleksebla kolo MT nefleksebla decido nefleksebla karaktero
retrofleksa rilata al retroflekso: retrofleksaj konsonantoj en la hindia retrofleksaj konsonantoj en la sarda
retrofleksi fleksadi ion en direkto kontraŭa al la normala: retrofleksi la dorson kavigante la lumbon
retroflekso
1 MEDI pozicio de iu korpoparto en orientiĝo kontraŭa al la normala: retroflekso de la utero
2 LING konsonanto, ĉe kies prononco la langopinto estas direktita iom supren al la palato. Sin. kakuminalo.
subfleksi fleksi ion sub granda pezo aŭ premo.
subfleksaĵo GEOL rezulto de subfleksiĝo.
subfleksiĝi iĝi subfleksita: la piedoj miaj kontraŭvole subfleksiĝas VVa
subfleksiĝo
1 GEOL nivelŝanĝiĝo (ofte kun maldikiĝo kaj streĉiĝo) pro troa ŝarĝo aŭ streĉo premanta sur tavolaro.
2 TEKN = (prefere) kniko.
transfleksejo MATE punkto de kurbo, kie la signumo de la kurbeco ŝanĝiĝas.