PIV
← Reen al T

PIV · 15818

★tord/i

★tord/i (tr)
1 Turni teksaĵon aŭ flekseblan objekton per ĝiaj ekstremoj en reciproke kontraŭaj direktoj: tordi fadenojn; tordi siajn harojn en longan plektaĵon; tordi vergon en la manoj; tordi siajn lipharojn en pinton; (f) la vento tordas la ondojn en akvoturnojn B. ➞ tordelpremi.
2 Ⓣ Elfari, volvante la erojn unu ĉirkaŭ la alia, k tordante la tutaĵon: tordi kablon, draton de altrezistaj rezistiloj; tordi ŝnurojn el sablo Z (fari senutilan penon). ☞ ŝpini.
3 (f) Misformi aŭ difekti, tordante: li tordis al si la piedon; malice la knabo tordis la brakon de sia najbaro; arbo tordita de la vento; ili sin tordas kiel naskantino X; ne unu hundo lin mordis, ne unu vento lin tordis Z; tordi la buŝon (en signo de malŝato); tordi la leĝon (ĝin intence misinterpreti).
tordo
1 Ago de iu, kiu tordas, k rezulto de tiu ago.
2 ☐ Streĉo, kiu tordas korpon: rezisto de akso al tordo. ☞ flekso, kunpremo, tiro, tondo.
torda. Tia, ke ĝi prezentas tordo(j)n: torda fadeno, drato; torda kolono.
tordaĵo. Fadenfasko aŭ franĝo helice tordita, k pli speciale ▦ 🏠 similforma ornamaĵo.
tordeco
1 Stato de io tordita.
2 ∆ (pp spaca kurbo) Grando mezuranta, kiom devias la kurbo de ebena kurbo. ☞ kurbeco.
tordilo. Bastoneto aŭ ilo, servanta por tordi fadenojn aŭ dratojn.
tordiĝi. Iĝi tordita: (f) tordiĝi kiel serpento; lia vizaĝo rigidiĝis en terura tordiĝo Z.
tordometro Ⓣ Aranĝaĵo por mezuri la gradon de tordo ĉe dratoj, fadenoj ks.
distordi. Misformi per tordo: lenso distordas la bildojn ĉe la randoj; distordita prezento de la faktoj.
distordo ☐ Ŝanĝiĝo de la origine regula formo de ondo aŭ de perioda fenomeno dum ĝia propagiĝo.
eltordi
1 Eligi, tordante: eltordi akvon el viŝtuko. ☞ premtordi, vringi.
2 (f) Akiri per minaco aŭ turmento: eltordi el iu sekreton, konfeson.
fortordi
1 distordi: fortordi ŝlosilon en difektita seruro; (f) fortordi la veron.
2 Tordorompi: la pastro alportu (la turton) al la altaro k fortordu ĝian kapon X.
maltordi. Fari la movojn inversajn al tiuj, per kiuj oni tordis fadenon, ŝnuron ks.
artiktordo ⚕ Perforta disstreĉo de la artikaj ligamentoj.
ebentordi. Tordi ebenan platon laŭ ia akso.
ebentordiĝo Ⓣ (pp panelo, pordo ks) Misformiĝo, kaŭzita de malsekeco aŭ malbonkvalito de la ligno.
koltordiĝo ⚕ Tortikolo.
kuntordi. Turni kune du aŭ plurajn fadenojn aŭ fadenformaj aĵoj. ☞ plekti.
koltordulo. Jingo.
ligtordo 🍴 Speciala nodo, kiu dividas kolbasojn faritajn el unu intesto k kiu estiĝas per tordado, ofte fiksita per metala krampo.
premtordi Z. Senakvigi per premado k tordado: premtordi tolaĵon (Sin. vringi).
streĉtordi. Streĉi per torda movo: streĉtordi risorton Z.