PIV 2026 · Artikolo 15818

★tordi

Litero T★ Fundamenta

Derivaĵoj en la artikolo 24
  1. torda
  2. tordo
  3. tordaĵ/o
  4. tordec/o
  5. tordiĝ/i
  6. tordiĝ/o
  7. testik/a tordiĝ/o
  8. tordil/o
  9. artiktordo
  10. distordi
  11. distordo
  12. ebentordi
  13. ebentordiĝ/o
  14. eltordi
  15. fortordi
  16. koltordiĝ/o
  17. koltordul/o
  18. kuntordi
  19. ligtordo
  20. mal/distordi
  21. mal/distordec/o
  22. maltordi
  23. prem1tordi
  24. streĉtordi
★ tordi tr
1 turni teksaĵon aŭ flekseblan objekton per ĝiaj ekstremoj en reciproke kontraŭaj direktoj: tordi fadenojn tordi siajn harojn en longan plektaĵon tordi vergon en la manoj tordi siajn lipharojn en pinton (figurasence) vento glatigas la supraĵon de la akvo, kaj tordas ĝin en senfundajn akvoturnojn B ➞ tordelpremi.
2 TEKN elfari ŝnuron k.s. volvante la erojn unu ĉirkaŭ la alia, kaj tordante la tutaĵon: tordi kablon aŭ draton de altrezistaj rezistiloj tordi ŝnurojn el sablo fari senutilan penon Z ➞ ŝpini.
3 (figurasence) misformi aŭ difekti ion tordante: li tordis al si la piedon li tordis al si la maleolon malice la knabo tordis la brakon de sia najbaro arbo tordita de la vento ili sin tordas, kiel naskantino MT tordi la buŝon en signo de malŝato tordi la leĝon ĝin intence misinterpreti
torda tia, ke ĝi prezentas tordo(j)n: torda fadeno torda drato torda kolono
tordo
1 ago tordi kaj ties rezulto.
2 FIZI streĉo, kiu tordas korpon: rezisto de akso al tordo ➞ flekso, kunpremo, tiro, tondo; tordopesilo.
tordaĵo fadenfasko aŭ franĝo helice tordita, kaj pli speciale TEKS ARKI similforma ornamaĵo.
tordeco
1 stato de io tordita.
2 MATE grando mezuranta, kiom spaca kurbo devias de ebena kurbo. ➞ kurbeco.
tordiĝi iĝi tordita: (figurasence) tordiĝi kiel serpento
tordiĝo ago tordiĝi: lia vizaĝo rigidiĝis en terura tordiĝo Z
testika tordiĝo MEDI akuta tordiĝo de la sperma funiklo, rezultanta en doloro kaj postulanta operacion por kuracado.
tordilo bastoneto aŭ ilo por tordi fadenojn aŭ dratojn.
artiktordo MEDI perforta disstreĉo de la artikaj ligamentoj.
distordi misformi ion per tordo: lenso distordas la bildojn ĉe la randoj distordita prezento de la faktoj
distordo
1 FIZI ŝanĝiĝo de la origine regula formo de ondo aŭ de perioda fenomeno dum ĝia propagiĝo.
2 ELEK aliformiĝo de elektra aŭ magneta kampo sub la influo de alia kampo aŭ de okaza kaŭzo.
3 TELE neĝusta reprodukto de sono aŭ signalo ĉe ricevado: amplituda, frekvenca aŭ faza distordo
ebentordi tordi ebenan platon laŭ ia akso.
ebentordiĝo TEKN ĉe panelo, pordo k.s. misformiĝo kaŭzita de malsekeco aŭ malbonkvalito de la ligno.
eltordi
1 eligi ion tordante: eltordi akvon el viŝtuko ➞ premtordi, vringi.
2 (figurasence) akiri ion per minaco aŭ turmento: eltordi el iu sekreton eltordi el iu konfeson
fortordi
1 distordi ion: fortordi ŝlosilon en difektita seruro (figurasence) fortordi la veron
2 tordorompi: la pastro alportu ĝin turton al la altaro kaj fortordu ĝian kapon MT
koltordiĝo MEDI tortikolo.
koltordulo jingo.
kuntordi turni kune du aŭ plurajn fadenojn aŭ fadenformajn aĵojn. ➞ plekti.
ligtordo KUIR speciala nodo, kiu dividas kolbasojn faritajn el unu intesto, kaj kiu estiĝas per tordado, ofte fiksita per metala krampo.
maldistordi nuligi aŭ kompensi la distordon de io.
maldistordeco eco de sistemo, kiu funkcias sen distordo.
maltordi fari la movojn inversajn al tiuj, per kiuj oni tordis fadenon, ŝnuron k.s.
prem1tordi
1 tordi kaj premi objekton por elpremi ion, ordinare akvon: premtordi lavitan tukon premtordi ĉemizon
2 (figurasence) kaŭzi senton de angoro al koro k.s.: la sento de la senpoveco premtordis mian koron SSz
Sin. vringi.
streĉtordi streĉi ion per torda movo: streĉtordi risorton se oni streĉtordis la artefaritan birdon, ĝi povis kanti Z