PIV 2026 · Artikolo 8884
★kurba
Derivaĵoj en la artikolo 19
★ kurba linio aŭ konturo tia, ke ĝi estas nek rekta, nek konsistanta el rektaj partoj: rekta vojo estas pli mallonga, ol kurba FE ĉiuj riveroj havas fluon tre kurban kaj tre neregulan Z kurba estas la ligno, sed rekte ĝi brulas la ĉefaĵo estas la efiko, ne la eksteraĵo Z kurba bastono kurba dorso kurba surfaco kurbaj kruroj la kurba Lezer estis sentima Z maljunaj salikoj kreskante kurbe kaj oblikve pendas Z ➞ ovala, ronda; ĝiba, kripla.
kurbi esti kurba; moviĝi laŭ kurbo: vojo kurbas kornoj kurbas en la vasta ĉambro skribistoj kurbis super skribotabloj JBa elvenante el kafejo oni sin balancas dance, kaj poste oni kurbas ĉe la placorando FSz
kurbo
1 kurba parto de io: ni akompanis ilin ĝis la kurbo de la rivero ALö ŝi surhavis negliĝan robon, tra kiu sin modlis la majestaj kurboj CRo ➞ vojkurbiĝo.
2 kurba vojo: Egipto Egiptujo havus aspekton de serpento, kiu en potencaj kurboj rapidas tra la dezerto B kometoj rondiras en la universo laŭ iaj kurboj MalR
3 MATE bildo de intervalo per kontinua bildigo, aŭ tiu bildigo mem: fermita kurbo spuro de kurbo
4 SCIE kurba linio montranta la evoluon de fenomeno: kloŝforma kurbo kurbo de nivelo ➞ orbito, trajektorio; diagramo, linio.
1 Oni uzas la saman vorton, eĉ kiam oni skeme signas nur elektitajn punktojn de la evoluo kaj kunigas ilin per rektaj linioj: kurbo de temperaturo de malsanulo la kurbo de la vendoj la kurbo de la produktado la kurbo de la atestaj prezoj
kurbo de emano, kurbo de emanado FIZI kurbo havanta (kiel horizontalan akson) faktoron regantan la emanon de elektronoj, ekz. temperaturo, tensio, aŭ hejtkurento de la katodo, kaj (kiel vertikalan akson) la katodan emanadon.
karakteriza kurbo FIZI kurbo montranta la rilatojn inter iuj grandoj uzataj por la studado de maŝinoj kaj elektraj aparatoj.
krado-anoda kurbo FIZI ELEK kurbo havanta la kradan tension kiel horizontalan akson kaj la anodan kurenton kiel vertikalan akson, dum la kondiĉoj de la ceteraj elektrodoj restas konstantaj.
neŭtrala kurbo FIZI pri magnetada ciklokurbo la kurba linio el la koordinata nulpunkto al la saturpunkto, en diagramo, kies ordinato montras la magnetan fluksodenson B kaj kies absciso la kampintenson H.
kurbaĵo io kurba: la grandaj branĉoj mem per siaj kurbaĵoj kaj fleksoj similis al valoj kaj altaĵoj Z
kurbeco
1 eco de io kurba: la kurbeco de la tero centro de kurbeco
2 MATE grando mezuranta, kiom devias kurbo de rekto: la kurbeco de cirklo estas konstanta ➞ tordeco.
kurbigi fari iun aŭ ion kurba: la aĝo kurbigas kurbigi al iu la dorson kurbigi ferstangon Li baris miajn vojojn ; Li kurbigis miajn vojetojn MT la Eternulo restarigas la kurbigitojn MT ➞ fleksi, klini.
kurbiĝi iĝi kurba: la arboj kurbiĝis sub la fruktoj kurbiĝu hoko laŭ postuloj de l’ loko Z mia venĝo devas fasti kaj kurbiĝi sub la jugon de la despotismo Z mi kurbiĝis kaj kliniĝis treege MT ➞ ŝrumpi.
kurbiĝo kurba parto de io: kurbiĝo de rivero vojeto grimpis per multaj kurbiĝoj ĝis la supro de la monto ➞ vojkurbiĝo.
kurbiĝadi daŭre aŭ ripete kurbiĝi: kurbiĝadi kiel diablo en akvo benita Z
kurbiĝema ofte kurbiĝanta: kurbiĝema serpento kurbiĝema vimeno kurbiĝema vojo (figurasence) kurbiĝema karaktero
kurbilo = (prefere) kurboŝablono.
histereza ciklokurbo FIZI fermita kurbo, kiu prezentas la sinsekvajn valorojn de la magneta indukdenso aŭ de la intenso de magnetado en feromagneta kampo, se la magneta kampo varias periode. ➞ histerezo.
senkurbigi elrektigi.
vojkurbiĝo kurbiĝo de vojo: ĉe vojkurbiĝo ekster la vilaĝo la amantoj subite renkontiĝis HLu ĉe vojkurbiĝoj la reloj kliniĝis flanken tridek gradojn SSz