PIV 2026 · Artikolo 13609

★rostro

Litero R★ Fundamenta

★ rostro
1 ZOOL longa tubforma nazo de kelkaj mamuloj, ekz. de elefantoj.
2 ZOOL suĉilo de diversaj insektoj.
3 ZOOL longa elstaraĵo ĉe la kapo de diversaj primitivaj bestoj.
4 BOTA = (prefere) beko ① 3.
5 (arĥaismo) = muzelo: li ĉirkaŭprenis la kolon de la kupra porko, kisis ĝin sur la rostro Z
6 HIST ŝipobeko 3.
Rostroj HIST en la forumo de Romo tribuno ornamita de ŝipobekoj.
rostrulo hufulo kun rostroforma nazo. membro de la ordo Proboscidea (rostruloj) el la klaso Mammalia ➞ elefanto, dinoterio, mastodonto.