★rub/o

1 Restaĵoj de ruinigita konstruaĵo: el la rubo de la (forbrulinta) domo elstaris nur kelke da nigraj traboj ^Z; la remparon (de la kastelo) oni povis ankoraŭ vidi, sed ĉirkaŭe estis rubo, nenio krom rubo ^Z; ĉu ili revivigos la ŝtonojn (de Jerusalem), kiuj fariĝis amaso da rubo? ^X.

2 Forĵetindaj rompitaĵoj el ŝtono, briko, gipso ks: musko k rubo, kiuj defalis de la tegmento ^Z; rubo de pluvronĝitaj statuoj; la masonistoj ĉiam restigas post si multe da rubo; ŝtopi per rubo la internon de murego. ☞ fatraso.

3 ⊕ Amaso el teraĵoj aŭ ŝtonaĵoj, defalintaj de rokoj aŭ alportitaj de akvoj, kiu surkovras la originan grundon. Sin. falaĵo. ☞ regolito.

4 Forĵetindaĵoj: (f) tiuj ritoj k ceremonioj estas neesenca rubo; liberigi la vojon el la rubo de la superstiĉoj. ☞ koto.

5 Rubaĵo.