PIV 2026 · Artikolo 13677

★ruso

Litero R★ Fundamenta

Derivaĵoj en la artikolo 13
  1. rusa
  2. rusig/i
  3. rusism/o
  4. rusuj/a
  5. rusi/a
  6. rusland/a
  7. Rusuj/o
  8. Rusi/o
  9. Rusland/o
  10. rusuj/an/o
  11. rusi/an/o
  12. rusland/an/o
  13. blankruso
★ ruso
1 ano de la plej granda slava gento, loĝanta precipe en Rusujo: germanoj kaj francoj, kiuj loĝas en Rusujo, estas Rusujanoj, kvankam ili ne estas rusoj FE la loĝantaro de Kaliningrad estas tre slaveca — krom la rusoj estas ĉi tie multaj belorusoj kaj ukrainoj OE
2 rusujano: la rusoj loĝas en Rusujo kaj la germanoj en Germanujo FE Eŭropo simple distribuas siajn mendojn inter pluraj liverantoj, aĉetante nafton ĉe la araboj, gason ĉe la rusoj Ko
1 Laŭ multaj estas evitinde uzi la vorton ruso kun la senco rusujano.
rusa rilata al rusoj, ilia lingvo aŭ Rusujo: nia unua debuto, la unua lernolibro de nia lingvo, eliris en lingvo rusa Z mi troviĝis en Rusujo, ne sciante eĉ unu vorton rusan Z la rusa cenzuro malpermesis la gazeton en la Imperio EPr la ĉapitro pri rusaj preĝejoj estas tre interesa APe/MPe la rusa estas la ĉefa lingvo de Rusujo
rusigi
1 doni al io rusan karakteron: eksterlandano ne scias, kiu pravas, ĉu la rusigitoj dum generacioj aŭ la purukrainaj junuloj CMi
2 traduki en la rusan lingvon: neniu povis rusigi lian frazon CPi
rusismo dirmaniero karakteriza de la rusa lingvo: la tradukinto estis ruso aŭ ruslingvano. Tion montras pluraj kaj evidentaj rusismoj en la traduko OE
rusuja, rusia, ruslanda rilata al Rusujo: la vasta Rusuja regno Z la rusia klimato estas multe pli severa, ol la usona MKv volu diri, ke mi nomas min Ruslanda hebreo Z
Rusujo, Rusio, Ruslando
1 GEOG lando en Orienta Eŭropo kaj Azio, la plej granda en la mondo. ĉefurbo: Moskvo la juna viro estis sendita de sia reĝo kiel ambasadoro al la imperiestra kortego de Rusujo Z ➞ Rusuja Federacio.
2 HIST = (prefere) Rusjo.
РоссияRossija
rusujano, rusiano, ruslandano ano de Rusujo (ne nepre ruso): ne ĉiu rusujano estas ruso Z mi ĝoje salutas la unuan Ruslandan Esperantistan Kongreson; mi salutas ĝin duoble: kiel esperantisto kaj kiel ruslandano Z
blankruso = (prefere) beloruso.