PIV 2026 · Artikolo 13774
★saluti
Derivaĵoj en la artikolo 11
★ saluti tr
1 montri al iu, per gesto aŭ formulo, sian estimon aŭ respekton aŭ simple konatecon: hieraŭ mi renkontis vian filon, kaj li ĝentile salutis min FE Klitandro kaj Angeliko reciproke sin salutas Z Marta silente salutis kaj leviĝis Z per movo plena de respekto li leviĝis, por saluti Martan Z saluti per manpremo saluti per demeto de la ĉapelo,saluti per kliniĝo saluti per mankiso li salutas profunde kaj mordas hunde Z la rekrutoj devas saluti la serĝenton la ŝipoj salutas la malnovan kastelon per kanonoj: «Bum!» Z
3 (figurasence) deklari publike sian admiron al iu aŭ sian intereson pri io: mi havas nun la okazon saluti la britan popolon en ĝia granda ĉefurbo Z lando de libereco, lando de estonteco, mi vin salutas! Z ili salutas en li la patron de la ideo de lingvo internacia ĝoje saluti la naskiĝon de la respubliko
saluto
1 ekstera signo de ĝentileco, kiun oni esprimas per vortoj aŭ movoj al renkontata persono: ŝi neniam respondis al afabla saluto, timante, ke de resaluto ŝi povus rompiĝi Z ŝi liajn ŝerce profundajn salutojn respondis per senfinaj riverencoj Z ➞ saluton.
2 esprimo de admiro, respekto k.s., publike esprimita: por la granda banketo bankedo mi havis la intencon sendi ian saluton Z ĝi alportos al vi salutojn de la juna generacio Z al ĉiuj amikoj volu transdoni mian sinceran saluton Z vi, ombro de nia kara amiko , akceptu mian funebran saluton kaj per mi la saluton de tiu afero, por kiu vi tiel sindone laboris Z adiaŭa saluto Z (analoge) KRIS la Anĝela Saluto latine: Ave Maria
salutinda inda je saluto 2: salutinda tendenco okazigi komunajn internaciajn kongresojn ILa Monato nun estas komplete kolora. Tio estas tre salutinda kaj ĝojiga FKr
saluton interjekcio saluto al alparolato(j) aŭ renkontito(j): saluton al Via tombo, nia kara, tro frue mortinta amiko! Z fine de letero koran saluton de mi kaj de mia edzino Z saluton al vi, faraono, estro de l’ mondo! B saluton karaj legantoj! Ko saluton! Kiel vi fartas? BCa iu ŝercemulo, kiu bonvenigas per «Salaton!» anstataŭ «Saluton!» SFi ➞ sal 2.
ensaluti ntr KOMP ĉe komputilo, retejo k.s. komenci seancon pruvante sian identecon, ordinare per salutnomo kaj pasvorto: atakanto sukcese ensalutis al la konto resti ensalutinta ➞ konto 2; salutnomo.
kap1saluti saluti iun per klino de la kapo: konatoj kapsalutis nin el la fenestroj Z
kap1saluto ago kapsaluti: ŝi faris facilan kapsaluton al la mastrino kaj foriris Z
klinsaluti saluti iun per klino de la korpo: li tre ĝentile klinsalutis ŝin HLu
klinsaluto ago klinsaluti: li irante, al ĉiuj klinsalutojn faris G
mansaluti saluti iun per svingo de la mano: la maljunulino akompanis nin ĝis la alta pordo kaj mansalutis nin ankoraŭ multajn fojojn HBu la kvar ĝenite proksimiĝis kaj mansalutis SEn
resaluti reciproki saluton de iu per saluto: li klinis la kapon kaj ridetis salute al ŝi. Same senvorte ŝi resalutis CPi mi spertis konsternite, ke la sinjoro ne resalutas SSz freŝbakita abiturientino resalutas sian unuan admiranton FSz