PIV 2026 · Artikolo 13846
santalo
santalo BOTA duonparazita arbo kun daŭremaj folioj, ĝenerale kontraŭe duopaj, kaj kun floroj en akselaj aŭ apeksaj panikloj; hejma en Hindujo kaj Malajzio ĝis Aŭstralio kaj Havajo. genro Santalum ➞ santalaco, santalino, santalolo.
santalaco kreskaĵo en tiu taksonomia familio, kies tipgenro estas santalo. membro de la familio Santalaceae (santalacoj)
blanka santalo speco de santalo, el suda kaj sudorienta Azio; la ligno estas prilaborata ĉarpente kaj el ĝi oni povas ekstrakti volatilan oleon. specio Santalum album ➞ blanka santalligno.