PIV 2026 · Artikolo 13924

1★savi

Litero S★ Fundamenta

Derivaĵoj en la artikolo 16
  1. savi si/n
  2. sava
  3. savo
  4. savad/o
  5. savant/o
  6. savebl/a
  7. saviĝ/i
  8. saviĝ/o
  9. savit/o
  10. Savont/o
  11. antaŭsavi
  12. forsavi
  13. forsaviĝ/i
  14. forsaviĝ/int/o
  15. nesavebl/e
  16. sensava
1 ★ savi tr
1 liberigi iun de danĝero aŭ morto: mian animon savu de la hundo MT savi iun de la ruiniĝo la kuracisto savis la malsanulon de la morto B Li savis Danielon kontraŭ leonoj MT Mi savis vin el la manoj de la Egiptoj MT kiu neniun savis, malamikojn ne havas Z savu tiujn, kiujn oni prenis por mortigi MT
(figurasence) eĉ kvar piedoj de ĉevalo ĝin ne savas de falo Z longa konsidero savas de sufero Z prudento vin gardos,
Por savi vin de la vojo de malbono MT
la savanta floro el la nordaj landoj Z piulo estas savata kontraŭ mizero MT en lia tempo Jehuda estos savita MT
2 gardi ion de difekto aŭ pereo: savi la vivon al dronanto B la ĉevalo savis al sia imperiestro la vivon Z ili forkuris, por savi sian vivon MT savi sian dignon ĉio, kio restis savita kontraŭ la hajlo MT nur per amo povas esti savita lia vivo Z
(figurasence) tio ne savos nian aferon el pereo Z la lerteco de la prezidanto savis la situacion
3 RELI liberigi iun de damniĝo: Li venis, ne por pereigi animojn de homoj, sed por savi NT lian animon vi savos de Ŝeol MT Sinjoro, ĉu malmultaj estas la savataj? NT tia estos savita pro la pureco de viaj manoj MT kiu iras en senpekeco, tiu estos savita MT
savi sin sin tiri de danĝero, ordinare per forkuro: li savis sin sur ĉevalo MT mi ne povas savi min sur la monton MT savu vin kiel birdo el la mano de la birdokaptisto MT ŝi iel sin savos Z
sava
1 alportanta savon: sava helpo
2 haviganta sekurecon: sava klapo sava zono
savo
1 ago de iu aŭ io savanta: por la savo de via vivo Dio sendis min MT
2 persono aŭ afero, kiu savas: Li estis por mi savo MT estu nia savo en la tempo de mizero MT ne ekzistas savo kontraŭ malbona virino Z al sklavo mon’ ne estas savo — li ĉiam restas sklavo Z prezenti la Delegacian aferon kiel ian savon por la ideo de lingvo internacia Z
savado agado de iu savanta.
savanto iu, kiu savas: li estas mia savanto KRIS la Savanto Jesuo ➞ Mesio, Savonto.
savebla tia, kia povas esti savata: ne plu savebla animo
saviĝi
1 eskapi danĝeron aŭ morton: mi tre dezirus, ke li saviĝu el tiu situacio, en kiun li sin enmetis Z David foriris kaj saviĝis en la kaverno MT
2 RELI eskapi damnon eternan: se vi saviĝas, ni ankaŭ devas saviĝi Z vi saviĝis per fido NT per kompreno piuloj saviĝas MT
saviĝo
1 eksterdanĝeriĝo: danki Dion pro sia saviĝo Z lastsekunda saviĝo
2 stato de postmorta eterna feliĉo: ekster la Eklezio ne estas saviĝo iama aserto de katolikaj teologoj
savito iu, kiu estis savita: dronanto domon proponas, savito eĉ brikon ne donas Z malmultaj estis la savitoj el la inundego
Savonto Mesio.
antaŭsavi anticipe savi de eventuala danĝero: oni devas antaŭsavi la animon de la infanoj kontraŭ la malpuraĵoj kaj tentoj
forsavi savi per forkuro: Jotam forkuris kaj forsavis sin MT forsavis sian korpon kaj animon tute malaperis Z (figurasence) ŝi penis forsavi sin de la malagrabla parolado konversacio Z
forsaviĝi iĝi forsavita.
forsaviĝinto iu, kiu forsaviĝis: venis al mi forsaviĝinto el Jerusalem MT
nesaveble tiel, ke savo estas neebla: ĝi devos ja nesaveble morti de malsato Z esti nesaveble kondamnita de la kuracistoj
sensava havanta nenian savrimedon.