PIV 2026 · Artikolo 13973

sekrecii

Litero S

Derivaĵoj en la artikolo 6
  1. sekrecio
  2. sekreciad/o
  3. sekreciaĵ/o
  4. elsekrecia
  5. elsekrecii
  6. lakt/osekrecio
sekrecii tr
1 BIOL ĉelaro, glando produkti iom likvan organikan substancon, kiu eliĝas en la internan aŭ eksteran medion: glando sekrecianta hormonojn glando sekrecianta salivon la sinapsoj sekrecias ĉirkaŭ 30 neŭrotransmisiilojn, ekz. adrenalinon RaP ➞ ekskrecii.
2 BOTA vegetaĵaj ĉeloj, haroj, ĉeksakoj, glandoj produkti iom likvan organikan substancon.
sekrecio
1 ago sekrecii: la kataro estas akompanata de pli forta sekrecio Z tiuj, kiuj trapasas vintron en Antarkto, probable iĝas angoraj, ĉar la interna sekrecio perturbiĝas ALi
2 sekreciaĵo: ja ne ĉiu suko de la vivo estas sekrecio de la generiloj OE forfikulo defendas sin ankaŭ pere de fetoranta sekrecio JHa
sekreciado ago sekrecii: la sekreciado de veneno povas esti de 10- al 100 000-oble pli granda ol normala aplikado sur la plantoj GLe
sekreciaĵo likvo produktata per sekreciado.
elsekrecia tia, ke ĝi ion eligas per sekreciado: elsekrecia dukto
elsekrecii konduki eksteren sekreciaĵon de glando laŭ dukto.
laktosekrecio sekrecio de lakto fare de la laktoglandoj.