PIV 2026 · Artikolo 13974

★sekreto

Litero S★ Fundamenta

Derivaĵoj en la artikolo 11
  1. sekreta
  2. sekrete
  3. sekreti
  4. sekretaĵ/o
  5. sekretec/o
  6. sekretem/a
  7. sekretig/i
  8. ensekretig/i
  9. malsekretig/i
  10. prisekreti
  11. profesi/a sekreto
★ sekreto
1 io, kion devas scii neniu aŭ nur limigita nombro da personoj: konservu bone la sekreton Z lerneja sekreto ne iru al gazeto Z nenia peketo restas longe sekreto Z sekreton de aliulo ne malkaŝu MT li perfidas la sekretojn de la temploj B mi babilis mian sekreton B tenado de sekreto ➞ prisekreti Z eltiri de iu la sekreton Z teni ion en sekreto Z kontraŭ li mi havas neniajn sekretojn Z esti en la sekreto el la personoj, kiuj ĝin devas koni publika sekreto ekkonebla de ĉiuj Z ŝtataj sekretoj kies malkaŝo malutilus al la ŝtataj interesoj B ➞ profesia sekreto.
2 mistera afero, kies klarigo estas vane serĉata: la sekretoj de la Naturo
3 ĝusta metodo atingi ion, tamen ne ĝenerale rekonata: la sekreto de la bonfarto estas la modereco la sekreto de la sukceso la sekreto de la feliĉo malkaŝi al iu la sekretojn de la versarto
sekreta
1 tia, ke ĝi estas konata de neniu aŭ de ne ĉiuj: sekreta amo vundo sekreta doloras plej multe Z sekreta partia agitado Z mi vojaĝas kun sekreta komisio Z sekreta donaco MT mi transdonos al vi trezorojn sekretajn MT meblo kun sekreta seruro sekreta inko nova sekreta armilo
2 POLI ne kontrolebla de la normalaj buĝetaj instancoj; ne publikigita de la registaro: la sekreta polico monsumoj por la sekretaj servoj la parlamento konsiliĝis en sekreta kunsido ➞ sekreta societo.
sekrete en sekreta maniero: sekrete vorton diri Z mi sekrete aŭskultis la interkonsenton B la fortojn de la naturo oni devas primajstri sekrete Z mi tre volas fari la aferojn sekrete Z
sekreti ntr
1 fari sekreton el io: pri kio amikoj sekretas, ili vian juĝon ne petas Z
2 sekrete paroli: vi sekretos al edzino, ŝi sekretos al fratino Z pri kio tiu venta kapo sekretas? Z li ne sekretas, ke li malŝatas tiun homamason KKa
sekretaĵo afero sekreta: estos tre amuze, ĉar la edzo eĉ ne suspektos la sekretaĵojn Z
sekreteco eco de io sekreta: protekti la sekretecon de la konsiliĝoj
sekretema inklina sekreti: pastrino devas esti sekretema Z
sekretigi teni sekrete.
ensekretigi inici: mi estos ensekretigita en la pretigadon Z
malsekretigi malkaŝi aŭ diskonigi sekreton.
prisekreti tr teni ion sekrete: tial mi ne petis vin prisekreti mian leteron Z
profesia sekreto JURO sekreto eksciita de profesiuloj (ekz. kuracistoj aŭ advokatoj) en la plenumado de sia funkcio, kaj kiun la leĝo devigas ilin ne malkaŝi.