PIV 2026 · Artikolo 14232

simuli

Litero S

Derivaĵoj en la artikolo 3
  1. simulad/o
  2. simulant/o
  3. simulil/o
simuli tr
1 SCIE KOMP imiti la kondiĉojn, ĉe kiuj okazas iu fenomeno, por esplori ĝin aŭ por trejnado: simuli senpezecon per ekzercado subakve simuli per komputilo la formiĝon de stelo ➞ eksperimenti, modeli.
2 MEDI ŝajnigi malsanon, frenezon k.s.: ŝi simulis sveni kaj lasis sin fali FDi
simulado
1 agado de iu aŭ io simulanta: simulado de frenezo simulado de ekonomiaj movadoj
2 teĥniko konsistanta en la reprodukto de la kondiĉoj, ĉe kiuj okazis iu fenomeno, kiun oni deziras esplori.
simulanto iu, kiu simulas: tiu histeria paciento estas nur simulanto
simulilo aparato por simuli: simulilo de flugado simulilo de radaro simulilo de ekonomiaj movadoj ➞ modelo, imitilo.