★skorpi/o

PIV · 14407

skorpi/o

1 () Artropodo el la klaso de araneoidoj, kun cefalotorako portanta paron da fortaj pinĉiloj k 4 parojn da movaj membroj, k kun duparta abdomeno, antaŭ- k post-abdomeno, ĉi-lasta sessegmenta k finiĝanta per venena pikilo; skorpio naskas vivajn idojn k loĝas en varmaj landoj: jen mi donis al vi aŭtoritaton piedpaŝi sur serpentoj k skorpioj .

2 Skurĝo kun feraj hoketoj: mia patro vin punadis per vipoj, sed mi vin punados per skorpioj .

Skorpio

1 Aŭstrala konstelacio (Scorpius), entenanta Antareson.

2 La oka signo de la zodiako, tra kiu Suno pasas de la 24a de Okt. ĝis la 23a de Nov..

skorpiuloj Ordo (Scorpionidea) de araneoidoj, ampleksantaj la skorpiojn, el kiuj kelkaj estas danĝere venenaj.

pseŭdoskorpiuloj Ordo (Pseudoscorpiones) de araneoidoj, similaj al malgrandaj skorpioj sen postabdomeno; ili vivas inter muskoj, folioj, aŭ eĉ paperoj en domoj k estas sendanĝeraj.

akvoskorpio. Nepao.

marskorpioj Subklaso (Eurypterida) de fosiliaj ĥeliceruloj, ĝis 3 m longaj, kiuj vivis en akvo dum paleozoiko.