PIV 2026 · Artikolo 14584
sparko
Derivaĵoj en la artikolo 5
sparko FIZI fajrero, kiu estiĝas inter elektrodoj apartigitaj de dielektriko sub sufiĉe alta tensio. Sin. fajrero 2.
sparkado produktado de sparkoj en sparkilo.
sparkado de broso ELEK fenomeno, kiu okazas, se kolektila broso de elektra maŝino ne estas ĝuste lokita en la neŭtrala zono de la magneta kampo de la maŝino. Sin. fajrerado de broso.
sparkilo en eksplodmotoro kun elektra eksplodigilo organo, kiu interne de la cilindro produktas sparkon por eksplodigi la miksaĵon el aero kaj karburaĵo.
frusparkado sparkado produktata, antaŭ ol la piŝto estas ĉe la fino de sia iro de kunpremo.
malfrusparkado sparkado produktata, post kiam la piŝto estas ĉe la fino de sia iro de kunpremo. Sin. sparkmalfruiĝo.