PIV 2026 · Artikolo 14879

★strigo

Litero S★ Fundamenta

Derivaĵoj en la artikolo 8
  1. striged/o
  2. arb/arstrigo
  3. neĝ/ostrigo
  4. orelstrigo
  5. tufostrigo
  6. tur1strigo
  7. ural/a strigo
  8. uralstrigo
★ strigo ZOOL
1 rabobirdo, kiu ĉasas dumnokte, kun kurba beko kaj plumoj ronde aranĝitaj ĉirkaŭ la antaŭen direktitaj okuloj; kun mola plumaro, granda kapo, antaŭen direktitaj okuloj ĝenerale ĉirkaŭitaj de radia plumaro, longaj larĝaj flugiloj, ĝenerale plumkovritaj tarsoj kaj piedfingroj, kaj turnebla ekstera piedfingro. membro de la ordo Strigiformes (strigoj, strigformaj birdoj) el la klaso Aves Sin. nokta rabobirdo.
2 strigo 1 de la genro Strix.
strigedorabobirdo en tiu taksonomia familio, kies tipgenro estas strigo 2. membro de la familio Strigidae (strigedoj)
arbarstrigo mezgranda senorela strigo, kun granda rondoforma kapo kaj rondoformaj flugiloj; inter ruĝe bruna kaj grize bruna, kun pala beko. specio Strix aluco
neĝostrigo granda arkta strigo; ĝi havas blankan plumaron kun iom brunaj makuloj aŭ strekoj. specio Nyctea scandiaca Sin. nikteo.
orelstrigo
1 relative malgranda strigo kun du orelsimilaj plumtufoj sur la kapo; la irisoj estas brile oranĝe flavaj. specio Asio otus
2 strigo, kun du orelsimilaj plumtufoj ĉe la kapo. genro Otus Sin. otuso.
tufostrigo ĉia strigo kun du elstaraj plumtufoj sur la kapo: orelstrigo kaj gufo estas tufstrigoj
tur1strigo pala mezgranda strigo, kun longaj flugiloj kaj mallonga kvadrata vosto; ĝi vivas tutmonde krom en polusaj, dezertaj kaj pacifikaj regionoj kaj en Azio norde de Himalajo.specio Tyto alba
urala strigo, uralstrigo strigo, granda strigedo, kun granda kapo kaj longa (por strigo) vosto; kun korpo pale grize bruna kaj preskaŭ blanka; kun flaveta beko; trovata de Skandinavio ĝis Japanujo. specio Strix uralensis