PIV 2026 · Artikolo 15065
ŝablono
ŝablono
1 modelo el maldika materialo (ekz. ligno, metalo, kartono, teksaĵo, papero aŭ plasto), laŭ kiu oni tajlas objekton: ŝablono por la tajlo de vitralpecoj ➞ modelfolio.
2 modelo konsistanta el metala, plasta aŭ kartona maldika plato, en kiu estas eltranĉitaj literoj, signoj aŭ figuroj tiamaniere ke, submetinte paperon aŭ platan glatan objekton kaj surŝovante farboplenan penikon aŭ surŝutante koloran pulvoron, oni povas rapide kaj multope reprodukti la eltranĉitajn desegnaĵojn. ➞ stencilo.
3 KOMP reuzebla strukturo enhavanta lokokupilojn, kiujn la uzanto anstataŭigas per efektiva enhavo, aŭ kiuj indikas ian aranĝon de signoj trovendaj ĉe serĉo: se oni uzas la saman ŝablonon por ĉiu nomo kaj metas la jaron antaŭ la monatonumeron, komputilo scios ĝuste ordigi la dosierojn en listo RRo regulesprimo estas speco de ŝablono ➞ ĵokero 2.
4 (figurasence) banalaĵo aŭ neoriginalaĵo: li forĵetis la romantikajn ŝablonojn labori laŭ ŝablono rutine ➞ kliŝo, stereotipo; gurdi.
ŝablona rilata al ŝablono: ŝablona kopiado (figurasence) ŝablonaj dirmanieroj ŝablonaj epitetoj
kurboŝablono ŝablono, konsistanta el multaj malsamaj kurbecaj segmentoj, uzata en mana desegnado kaj fasonado de vestaĵoj.