PIV 2026 · Artikolo 1531
bacilo
Derivaĵoj en la artikolo 7
bacilo BAKT
1 grampozitiva bakterio, kies ĉelo havas formon de rekta bastoneto, moviĝas per flageloj kaj produktas sporon en malfavoraj vivkondiĉoj. genro Bacillus
2 KOMU morfologia nomo de ĉiu el diversagenraj bakterioj en formo de rekta bastoneto. Sin. baston(et)bakterio. ➞ koko 2.
antraksa bacilo BAKT bacilo, kiu kaŭzas la malsanon antrakso. specio Bacillus anthracis
koĥa bacilo BAKT bacilo, kiu kaŭzas tuberkulozon.specio Mycobacterium tuberculosiss
kojlobacilo BAKT bakterio, troviĝanta en grundo, ofte en akvo, normale vivanta en la intesto de homo kaj bestoj, sed iafoje estiganta malsanojn, i.a. cistiton. specio Escherichia coli
laktobacilo BAKT aertolera bakterio, kapabla fermentigi sukerojn al laktata acido, vivanta sur plantoj kaj en la intesto de homoj kaj bestoj. genro Lactobacillus laktobaciloj grave rolas en la malkompono aŭ male la produktado de nutraĵoj (diversaspecaj fromaĝoj, i.a. jogurtoj, saŭrkraŭto, insilaĵoj) kaj estas medicine uzataj por rekrei la intestan flaŭron okaze de diversaj laksoj aŭ de antibiotika terapio➞ bifidobakterio, laktobakterio.
mira bacilo eta bacilo 2, kiu produktas sangoruĝan koloron. specio Serratia marcescens la mira bacilo estigas la fenomenon de la t.n. sangantaj hostioj
subtila bacilo eta bacilo, kiu multiĝas i.a. en forlasitaj infuzaĵoj de herboj. specio Bacillus subtilis