PIV 2026 · Artikolo 12107
★pesto
Derivaĵoj en la artikolo 7
★ pesto
1 MEDI grupo de epidemiaj kaj kontaĝaj malsanoj, ofte mortminacaj, kaŭzataj de la jersina bacilo kaj karakterizata de tre gravaj simptomoj, inkluzive de hemoragioj, bubonoj, pulma inflamo, kaj sepso: ratoj kaj puloj estas agantoj en la dissemado de pesto ➞ bubona pesto, nigra pesto, pulma pesto.
2 (figurasence) io aŭ iu tiel danĝera kiel pesto 1: alkoholismo estas vera pesto en diversaj landoj Nerono, tiu pesto de la Imperio!
pesta
2 (figurasence) pereiga aŭ detrua (precipe morale): fi, ne alproksimiĝu al mi, via spirado estas pesta pro vino Z
pestulo homo malsana je pesto.
akvopesto plurjara akvoplanto forte kreskanta kaj branĉiĝanta, kun verticile triopaj folioj; hejma en Nord-Ameriko, kvazaŭhejma en Eŭropo; kultivata en akvobasenoj kaj akvarioj. specio Elodea canadensis Sin. kanada elodeo.
nigra pesto pesto 1 karakterizata de hemoragioj de la haŭto kaj mukozo.
pulma pesto pesto 1 karakterizata de pulma inflamo.
stanpesto kristaliĝa fenomeno en stano ĉe malalta temperaturo.