pozitiv¹a

1 Esprimanta aŭ koncernanta jeson, akcepton, permeson: pozitiva respondo; pozitiva voĉo (ĉe baloto); pozitiva propozicio (en gramatiko, logiko); ni povas respondi tiun ĉi demandon tute pozitive ^Z; la loko de mia konstanta loĝado ne estas ankoraŭ pozitive decidita ^Z.

2 Reala, praktike efektiviĝanta: tio estas almenaŭ pozitivaj rezultoj; senreligieco donas al la homo neniun pozitivan apogon ^Z; fari pozitivan kritikon al la projekto ^Z (t.e. proponi plibonigojn); pozitivaj pruvoj de senkulpeco; kredo, kiu prezentus efektivan k pozitivan ligilon inter ĉiuj (homoj) ^Z.

3 Bazita nur sur faktoj, esploritaj per eksperimentado: pozitivaj sciencoj; la pozitiva filozofio.

4 💡 Montranta la ĉeeston de priserĉata elemento aŭ efiko: pozitiva reakcio, testo; seropozitiva (je iu mikrobo), HIV-pozitiva (seropozitiva je HIV).

5 ∆ (pp nombro) Pli granda ol nulo (> 0): pozitiva funkcio (kies valoroj ĉiuj estas pozitivaj); pozitiva dulineara formo (simetria dulineara formo b kun la eco, ke b(x,x) estas pozitiva por ĉiuj x ≠ 0).

6 ☐ Apartenanta al la speco de elektro, produktata per interfrotado de vitro k silkopeco: pozitiva poluso de pilo; korpo estas pozitive elektrita, se ĝi suferis perdon de elektronoj. ☞ negativa.

7 ☐ (pp poluso de magneto) Direktiĝanta al nordo.

8 🔭 (pp poluso de Tero) Norda.

9 📷 Karakterizanta bildon, kies nigraĵoj k blankaĵoj resp. respondas al tiuj de la reproduktita bildo.