PIV 2026 · Artikolo 12183

pilo

Litero P

Derivaĵoj en la artikolo 6
  1. pilo de Clark
  2. pilo de Weston
  3. pilar/o
  4. atompilo
  5. sek/a pilo
  6. termoelektr/a pilo
pilo ELEK fonto de elektra energio, uzanta la transformiĝon de ĥemia energio. ➞ akumulatoro, baterio.
pilo de Clark pilo, en kiu la negativa elektrodo estas amalgamo de zinko, la pozitiva elektrodo estas pura hidrargo kovrita de hidrarga sulfato, kaj la elektrolito estas saturita solvaĵo de zinksulfato aŭ unu de konata koncentreco.
pilo de Weston pilo, en kiu la negativa elektrodo estas amalgamo de kadmio, la pozitiva elektrodo estas hidrargo kovrita per tavolo de hidrarga sulfato, kaj la elektrolito estas saturita solvaĵo de kadmia sulfato aŭ unu de konata koncentreco.
pilaro baterio 2.
atompilo
1 fonto de elektra energio, uzanta la transformiĝon de nuklea energio. Sin. reaktoro.
2 amaso de materio, en kiu nuklea ĉenreakcio povas okazi.
seka pilo galvana pilo por praktika uzado, kies elektrolito estas sufiĉe solidigita per ensorba substanco, por ke ĝi ne elfluu, se oni renversas ĝin.
termoelektra pilo sistemo de du konduktantoj de diferenca naturo, kies ekstremaĵoj estas kontaktigitaj duope, kaj en kiuj estas produktata elektromova forto, kiel funkcio de la temperatura diferenco inter la du kontaktopecoj.