PIV 2026 · Artikolo 11120

★nulo

Litero N★ Fundamenta

Derivaĵoj en la artikolo 11
  1. nula
  2. nuli
  3. nul
  4. nulec/o
  5. nulej/o
  6. nulig/a
  7. nulig/i
  8. nulig/o
  9. nulig/ant/o
  10. nulig/il/o
  11. nenulig/ebl/a
★ nulo
1 nomo de la cifero 0:li ricevis du nulojn ĉe la ekzameno la tempo kiun oni devas uzi estas absoluta nulo en komparo kun Z temperaturo pli malaltan ol la t.n. absoluta nulo −273,15 °C RPi
2 (figurasence) io tute senvalora: ĉe manko de adeptoj la utilo de la lingvo prezentus nulon Z sinjoro Schleyer pardonu al mi, se mi faris nulon el tio, kion liaj amikoj nomas lia plej ĉefa merito Z ĉiuj nacioj estas rigardataj de Li kiel nulo MT virino estas nulo, se apud ŝi ne staras viro kiel cifero pleniganta Z
3 (figurasence) homo sen ia kapablo aŭ prestiĝo: sen mono oni estas nulo, kun mono — saĝulo Z ŝi havigis al unu honesta homo saluton de ia altranga nulo Z vi devas scii, kiu estas tiu Katz: senvalora nulo Z nulo malgrasa de malsato, tremanta de malvarmo Z
nula
1 en la serio de entjeroj antaŭ la unua: MATE KOMP la n-a termo de tiu vico 4 estas oblo de la nula KOMU nula serio de maŝinoj provo aŭ malneto ➞ prototipo
2 ne ekzistanta; havanta nenian efektivan valoron: la utileco estos preskaŭ nula Z ➞ negativa, vana.
nuli MATE havi la valoron 0.
nul
1 numeralo esprimanta la plej malgrandan nombron de la nenegativaj entjeroj: nul estas la kardinala nombro de la malplena aro la aviadilo ekflugas precize je nul horo kaj kvin minutoj kvin minutoj post noktomezo ➞ nulnivelo, nulpunkto.
1 Uzo de senfinaĵa nul kiel numeralo estis aprobita de la Akademio de Esperanto en la Oka Oficiala Aldono al Universala Vortaro, en la jaro 1974.
2 (familiare) neniu(j): nul respondo! nul poentoj
3 la cifero 0: tri komo nul ok 3,08
nuleco eco de io nula.
nulejo MATE punkto, en kiu funkcio alprenas la valoron nul. Sin. radiko 6.
nuliga rilata al nuligo; tia, ke ĝi nuligas: nuliga cirkonstanco
nuligi
1 decidi, ke io decidita ne realiĝos: nuligi vojaĝon pro manko de partoprenantoj
2 JURO deklari aŭ igi ion nevalida: nuligi kontrakton B nuligi la rezultojn de baloto pro kalkuleraro ➞ aboli.
nuligo JURO deklaro, ke io ne validas: nuligo de geedziĝo pro malobservo al unu el ties leĝaj kondiĉoj signifas, ke ĝi estas leĝe rigardata kiel neniam okazinta ➞ eksedziĝo.
nuliganto MATE
1 pri elemento en ringo 6 alia elemento, kies produto kun la donita elemento nulas: la maldekstraj nuligantoj de elemento konsistigas maldekstran idealon
2 pri funkcio 3 funkcionalo, kies valoro estas nul por tiu funkcio.
nuligilo sistemo en kalkulilo, nombrilo k.s., kiu ebligas restarigi la nulon.
nenuligebla tia, ke oni ne povas ĝin nuligi: Zeŭso ĵuris per nenuligebla ĵuro