★tapiŝ/o

1 ▦ En Mezepoko k Renesanco, teksaĵo, kiun oni pendigis sur muroj por pli komfortigi k ornami ĉambron, k en kiu la dekoracioj estas formitaj de la vefto mem, sen posta brodaĵo: foliara, personara tapiŝo; altvarpa tapiŝo (teksita kun vertikala varpo); Flandra, Arteza tapiŝo; la longaj diverskoloraj tapiŝoj, kiujn ŝi mem faris kun siaj servistinoj, […] estis nun pendigitaj kiel murornamaĵoj ^Z; vi kun mi vin kaŝos ekzemple post tapiŝo, por observi ^Z; tapiŝo, kiu pendis de la plafona trabo k dividis la ĉambron ^Z; fari la kartonon de tapiŝo. ☞ gobelino, tapeto.

2 Iom simila teksaĵo, ordinare dika k lana, ofte prezentanta dekoraciojn, destinita por kovri plankon, ŝtuparon aŭ tablon: preskaŭ ĉiuj tapiŝoj estas teksataj per noditaj steberoj; ĉie troviĝis molaj tapiŝoj sub la piedoj ^Z; persaj tapiŝoj; se mi scius, kien mi falos, mi tien metus tapiŝon ^Z; (f) meti ion sur la tapiŝon (ekdiskuti pri iu temo aŭ persono). ☞ mato, tatamo.

3 (f) Io, kio kovras kiel tapiŝo, aŭ prezentas aspekton de tapiŝo: la verda tapiŝo de la herbejo; la aŭroro metas tapiŝon el perloj sur la parkon; simile al teksita flortapiŝo ^Z.