PIV 2026 · Artikolo 1619

★bando

Litero B★ Fundamenta

Derivaĵoj en la artikolo 4
  1. bandan/o
  2. bandestr/o
  3. ĵazbando
  4. rok2bando
★ bando
1 aro de individuoj kune irantaj (ofte kun malŝata nuanco): ni kunmetos bandon da rabistoj Z inter la bando de Moor vi ne trovis eĉ unu solan perfidulon! Z granda bando de preskaŭ nudaj homoj ŝirmi ilin kontraŭ vagadantaj bandoj HLu li kolektis virojn kaj fariĝis estro de bando MT alvenos bando da adoleskantoj CPi (figurasence) bando da migrantaj birdoj ➞ grupo, hordo.
2 en ĵazo, roko aŭ alia populara muziko muzika ensemblo: kelkajn el tiuj artistoj kaj bandoj vi povos malkovri aŭ revidi en vivaj koncertoj OE mi interesiĝis pri muziko, vizitante ofte koncertojn de bandoj francaj kaj eksterlandaj OE estas du specoj de bandoj kaj artistoj en la espomuzikscenejo: pure Esperantaj kaj papagaj
bandano individuo apartenanta al bando.
bandestro supera bandano, kiu plej ofte havas decidpovon. ➞ kondotiero.
ĵazbando bando, kiu ludas ĵazon: ludis gitaron en studenta ĵazbando GMi
rok2bando bando, kiu ludas rokon 2: la brita rokbando Pink Floyd KDL la fama rokbando Persone KNo la vortlud-tradicio de la unuaj rokbandoj kiuj kantas en Esperanto OE Sin. rokensemblo.