PIV 2026 · Artikolo 16639

★vintro

Litero V★ Fundamenta

Derivaĵoj en la artikolo 7
  1. vintra
  2. vintre
  3. vintri
  4. vintrad/o
  5. vintrum/i
  6. travintri
  7. travintrad/o
★ vintro la sezono de la jaro inter aŭtuno kaj printempo, karakterizata en modera klimato per la plej malaltaj temperaturoj kaj la plej mallongaj tagoj: la vintro, kiu nun sekvis, estis tre akra Z «post la vintro venas la printempo,» li diris, «post malbonaj tempoj venas bonaj» Z kio taŭgas por somero, ne taŭgas por vintro Z ➞ somero.
vintra
1 rilata al vintro: en la longaj vintraj vesperoj Z floraĵoj similaj al vintra neĝo Z
2 (figurasence) malvarma kiel vintro: li akceptis nin kun vintra rideto
vintre en la vintro: marmoto dormas vintre tie ĉi en Siberio eĉ la korvoj forflugas vintre B
vintri ntr pasigi la vintron: la rabobirdoj loĝos super ĝi en somero, kaj ĉiaj bestoj de la tero super ĝi vintros MT
vintrado ago vintri: sperti vintradon en Gronlando ili trovis por sia vintrado oportunan lokon apud la istmo OE
vintrumi vintri: ĉiujare pli kaj pli multaj junaj cignoj vintrumas apud homoj OE
travintri ntr
1 vintri: la haveno ne estis sufiĉe vasta, por tie travintri NT
2 plu vegetadi aŭ travivi dum la vintro; mi lasas al miaj abelaroj sufiĉe da mielo por komforte travintri Ko
travintrado ago travintri: funga sporo adaptita por travintrado