PIV 2026 · Artikolo 16640

★violo

Litero V★ Fundamenta

Derivaĵoj en la artikolo 6
  1. viola
  2. violac/o
  3. violeg/o
  4. odor/a violo
  5. transviola
  6. tri/kolor/a violo
★ violo BOTA
1 malalta planto (unu-, du- aŭ plur-jara herbo aŭ arbusteto) kun unuopaj, 5-sepalaj kaj 5-petalaj, plej ofte ruĝbluaj (violkoloraj), unuspronaj floroj kaj kun trivalvaj kapsuloj; preskaŭ tutmonda; pluraj specioj estas kultivataj por ornamo, medicino, parfumoj aŭ konfitaĵoj, ekz. la odora violo.genro Viola ➞ violaco.
2 grupo de specioj de violo 1, ĉe kiuj tri el la kvin petaloj estas direktitaj malsupren. ➞ penseo.
viola
1 rilata al violo: hodiaŭ mi vendas nur violan parfumon, morgaŭ mi vendos rozan CRo
2 havanta la koloron de lumo kun ondolongo inter 380 kaj 450 nanometroj: kiam li venis al la maro, la akvo estis viola kaj blua, griza kaj densa B diafana ŝtono kun diverskoloraj strioj violaj, grizaj kaj verdaj ALö neniu rideto ekfloris sur la violaj lipoj de Emma B fingroj violaj de malvarmo Sin. violkolora. ➞ ametista.
violacokreskaĵo en tiu taksonomia familio, kies tipgenro estas violo. membro de la familio Violaceae (violacoj)
violego ĝardena penseo.
odora violo speco de violo el Eŭropo, Azio kaj Afriko, plurjara herbo kun longaj superteraj stolonoj kaj bonodoraj violkoloraj printempaj floroj. specio Viola odorata
transviola FIZI elektromagneta ondo havanta ondolongon malpli grandan ol 400 nanometroj kaj pli grandan ol tiu de X-radioj (frekvencon superan al tiuj de la violaj radioj kaj malsuperan al tiu de X-radioj). Sin. ultraviola. ➞ transruĝa.
trikolora violo trikolora penseo.